Home» Around the World »Weird and Interesting

नग्नताविरोधी अदालत


सबैभन्दा नग्नता र छाडापन अमेरिकामा नै छ । शायद नग्नता र छाडापनबाट उनीहरु वाक्क दिक्क भइसकेका छन् । त्यही भएर होला अदालतले हालैको एउटा निर्णय फ्लोरिडास्थित डेटोना समुद्र किनारमा त्यहाँका रेष्टुराँमा काम गर्ने बालाहरुले लुगा लगाउँदा धेरै कुरालाई ख्याल गर्नुपर्ने भनी आदेश दिएको छ ।

यहाँका उत्तेजक नृत्य गर्ने रेष्टुराँका नृत्याबालाहरुलाई नृत्य गर्नुअघि विभिन्न सेवा पुर्‍याउँदा उनीहरुले गतिलो र ग्राहकहरुलाई उत्तेजनामा नल्याउने लुगा लगाउनु पर्ने आदेश दिएको हो ।

यी बालाहरुले स्वतन्त्रताको यति विधि उपयोग गरे कि तिनले शहरभरि नै उत्तेजक लुगा लगाएर हिँड्न थाले । यसका कारण शहरै यौन प्रदूषित देखिन थाल्यो- एक शहरीले गुनासो गरे- अदालतले सही निर्णय गर्‍यो । जसका कारण यो शहरको गुमेको इज्जत केही भए पनि बच्छ कि !

गएको मार्च २३ मा डेटोना बीच र ललिपप्स जेन्टलमेन्स क्लबबीच झगडा परेपछि यो मुद्दाले प्राथमिकता पाएको थियो । ललिपप्सका तरुण युवतीहरु नग्नै रुपमा डेटोना सामुद्रिक किनारामा रमण गर्न थालेपछि डेटोना सामुद्रिक किनारको हेरचाह गर्ने संस्थाले त्यहाँको नगरपालिकासँग गुनासो गरेको थियो र उसले त्यहाँ नगरपालिकाको नग्नता कानूनको धज्जी उडिरहेको बताएको थियो ।

शहरी विभागका कानून अधिकृत बब ब्राउनले भने- "यो मुद्दाको मुख्य कुरा के हो भने, अदालतले हामीलाई हाम्रो किसिमको कानूनको सही सदुपयोग गर्न पाउनु पर्छ भनेर स्वीकृति दिइसकेको छ । अबका दिनमा डेटोना बीच वरिपरि कसैले पनि उच्छृङ्खल क्रियाकलाप गर्न पाउने छैन । यो मनोरञ्जन उद्योगमाथिको प्रतिबन्ध होइन कि मान्छेभित्र रहेको लाज र घृणालाई बचाउने अभियान हो ।"

यसमा रोचक के थपिएको छ भने अबका दिनमा यस्ता क्लबहरुमा कुनै पनि बार बालाले नग्न रुपमा बियर र रक्सीहरु पस्किने छैन । उसले कम्तीमा बिकिनी चाहिँ लगाउनै पर्छ । यदि त्यसो नगरिएको पाइएमा क्लबले गह्रौँ जरिवाना तिर्नु पर्नेछ ।

त्यसो त आफूमाथि अन्याय भएको क्लबहरुले बताइरहेका छन् भने अदालतले चाहिँ सकेसम्म सक्दो लचिलो कानून बनाइदिएको दाबी गरिरहेका छन् ।

सन् २००६ को जनवरीमा क्लबहरु छाडा हुँदै गइरहेको भनी शहरी विकास आयोजनाले क्लबहरुमाथि कडाई गर्न थालेको थियो । तर क्लबहरुले उल्टै उनीहरुको बोल्ने, नृत्य गर्ने र घुमफिर गर्ने अधिकारको हनन् भएको बताएर मुद्दा हालेका थिए ।

यता ललिपपले चाहिँ एडल्ट बिजनेस एरियामा यस्तो नभए कस्तो हुन्छ त भनी उल्टै प्रश्न गरिरहेको छ । उसले यो मुद्दालाई अमेरिकाको सर्वोच्च अदालतसम्म पुर्‍याउने बताइरहेको छ ।

 
Click Here To Read Previously Posted Article    Click Here To Read Next Article          
 
More on Weird and Interesting
Related Tags:
यस्तो पनि ! माया सुन्दरी भव्यता मूर्ख्याइँ सेलेब्रिटी इन्टरनेट बलिउड मुद्दा मामिला उदेकलाग्दो नग्नता विज्ञापन गुगल श्रीमानश्रीमती उपाय परिस्थिति फट्याइँ उदारता हलिउड प्रविधि
Browse Tags in Other Group
 
 
Tags in Work and Office
meetings time value training skill development interview deadline work psychology sex fun and humor co-workers
Browse all Tags in Group
Tag groups: cinema, city sightings, city updates, fashion & grooming, health, misc, music, relationship, technology, television, weird & interesting, work and office,