Home» Cinema »Review

के को क्रोध हो यो ?

वर्षकै सर्वाधिक सफल चलचित्र नामाङ्कित 'क्रोध'ले नेपाली चलचित्रका दर्शकका लागि केही नौलो स्वाद पस्किएको छ । निखिल उप्रेतीले निर्माण गरेको पहिलो चलचित्र 'सावधान' ले सुरु गरेको अपत्यारिला दृश्यहरुलाई कम्प्युटर एनिमेशनद्वारा ठूलो पर्दामा देखाउने चलनलाई एक कदम अघि बढेर निर्देशक आकाश अधिकारीले शरीर भ्वाङ पारेका छन् । धरहराको टुप्पोबाट दुइ नायकहरु हावामा कावा खाँदै झरेको देखाएका छन् । नेपाली चलचित्रका दर्शकले यसअघि यस्ता दृश्य कहीँ कतै देखेका थिएनन्, त्यसैले कतिपय दर्शकहरु ८/९ पटक यो चलचित्र हेर्न सिनेमा हल पुगेको पनि देखियो । यो एक किसिमका दर्शकको कुरा हो ।

अर्को किसिमका दर्शकहरु सिनेमामा तर्क खोज्छन्, जो शायदै नेपाली सिनेमा हेर्न जाँदा हुन् । तिनले सोध्ने वा उनीहरुको मनमा उठ्ने गरेको प्रश्न चाहिँ के हुन्छ भने अंग्रेजी चलचित्र 'र्टर्मिनेटर' र त्यसपछिका श्रृंखलाले शुरु गरेको भुँडी छेडिएर पछाडिको दृश्य देखिने छायाँ त तर्कसङ्गत छ तर 'क्रोध'मा त्यसैगरी भुँडी छेडिएर पछाडिको दृश्य कसरी देखिन्छ ? पूरा सिनेमाको हेर्न लायक दृश्य यही छ र यही दृश्यमा दर्शकहरुले औँलो ठड्याउँछन् ।

कथा साधारण छ । जवान छोरो (धिरेन शाक्य) तल्लो आर्थिक हैसियत भएकी अबला (जल शाह) लाई मन पराउँछ तर आमा (शान्ति मास्के) त्यसको विरुद्धमा छिन् । अझ एक कदम अघि बढेर उनी अर्की सबला (शुभेच्छा थापा) को बिहेको प्रस्ताव छोरोलाई दिन्छिन् । यदि बिहे गर्न नमाने झुण्डिएर मर्ने धम्की पनि दिन्छिन् । कर्तव्यमा परेर छोरोले बिहे त गर्छ तर अघिल्लो मन पराइएकी तर भित्र्याउन नपाइएकी अबलाबाटको छोरो (निखिल) यही कारण आफ्नो बाबुलाई निकै घृणा गर्छ । पछि अर्की श्रीमतीबाट पनि अर्को छोरो (आकाश अधिकारी) जन्मिन्छन् र अन्तिम समयसम्म दुवैबीच ठूलो द्वन्द्व र घृणा जमिरहन्छ । चलचित्रको अन्त्यमा खलपात्रहरुले आमाहरुको अपहरण भइसकेपछि जिन्दगीभरको घृणा एकै पटकमा पखालिन्छ ।

चलचित्रको कथाको जग घृणा हो, जसमा निखिल आफ्नी आमाले जिन्दगीभर बुवाको न्यानोपन पाउन सक्दैन । अर्कोतर्फ आकाश पनि आफ्नो बुवाको कार्यशैली मन पराउँदैन । त्यसैले उ आफ्नो बुवालाई घृणा गर्छ । त्यही घृणा र रिस नै चलचित्रमा द्वन्द्वको कारण बनेको छ । जसले सिनेमाभरि फाइटै फाइट घुस्न पुगेको छ ।

कथा आकाश अधिकारीले नै लेखेका छन् । तर उनी कथा लेखन कच्चा छन् भने एउटै शहरमा २०/२५ वर्षबसिरहेका दुइ सौताबीच कहीँ कतै भेट भएको देखाइँदैन र सौतासौताका छोराछोरीबीच पनि कतै भेट हुँदैन । यस्तो पनि कहिँ हुन्छ ?

सिनेमाको रोचक पक्ष अर्का निखिल (चलचित्रमा भोला) को छ । उनी यस्तो खलपात्र भएर निस्कन्छन् जसलाई तह लगाउन नायकहरुलाई पनि धौधौ पर्छ । पैसाको लागि अर्काको ज्यान लिने उसको धर्म बनेको छ । चलचित्रमा दुइ निखिलहरुबीचको फाइटको दृश्यले दर्शकमा थोरै रोचकता पैदा गरेर पैसा कमाए पनि चलचित्र चलाउन हल्ला गरिएको 'भ्रष्टाचार विरुद्धको क्रोध' लाई कहिँकतै प्रमाणित गर्ने प्रयास गरिएको छैनन् ।

अहिलेकी सर्वाधिक व्यस्त नायिका रेखा थापा र संघर्सशील नायिक उषा पौडेल दुइ नायिका भए पनि नीहरुका लागि गर्न लायक कुनै पनि दृश्य, संवाद या अभिनयका लागि ठाउँ दिइएको छैन । यो चलचित्रले तिनलाई न त फाइदा पुर्‍याएको छ न त घाटा नै ! महिलामाथिको विभेद वास्तविक जीवनमा मात्र नभएर पर्दाको जीवनमा पनि देख्न सकिन्छ ।

सबैभन्दा दुःख त जल शाहको बढ्दो शरीर र उनको घट्दो चलचित्रे भूमिकामा लाग्छ । उनको यो चलचित्र हेरेपछि उनी विदेशिनुको एउटा ठूलो सत्य प्रष्टिन्छ कि उनी कसरी चलचित्र उद्योगमा आवश्यकताहीन भएकी रहिछन् ! उनीजस्तो प्रतिभाशाली अभिनेत्रीका भागमा मात्र पाँच दृश्य परेको छ र त्यसमा उनले अभिनयको कुने जादू छर्न पाएकी छैनन् ।

समग्रमा क्रोध एउटा साधारण नेपाली चलचित्र हो । जसलाई केही एनिमेशनका दृश्यले नयाँपन दिने प्रयास भएको छ । त्यही नयाँपनले नै निर्माता तथा निर्देशक आकाश अधिकारीले आफ्नो अघिल्लो सिनेमा पंक्षीमा भएको घाटा उठाएका छन् ।

 
Click Here To Read Previously Posted Article    Click Here To Read Next Article          
 
More on Review
Related Tags:
नवीनता क्या बात ! ग्ल्यामर कन्ट्रोभर्सी फिल्म फेस्टिबल निर्देशक अभिनेता पेज 3 रोचक सेक्स प्रविधि अभिनेत्री रोमान्स सोच घोषणा कार्यक्रम पार्टी सञ्चारकर्मी
Browse Tags in Other Group
 
 
Tags in Technology
gadgets mobile digital camera phone software people speak laptop communication Filming
Browse all Tags in Group
Tag groups: cinema, city sightings, city updates, fashion & grooming, health, misc, music, relationship, technology, television, weird & interesting, work and office,
 
 
Your Name: City Country
Your Email:
Rate this Article: 
Comments:
Security Code: