Home» Music »Feature

व्याकरण सिकाउँदै सुदीन

नेपालमा र्याप गीतसङ्गीत शुरु भएको धेरै भएको छैन । पाँच/छ वर्षघि निर्ण्रय श्रेष्ठ र उनका केही साथीहरुले शुरु गरेको यो विधा अंग्रेजी गीतबाट विस्तारै नेपाली घुसाउन थाले, तब यसलाई मन पराउनेको संख्या बढ्न थाल्यो । यसको लोकप्रियतामा अर्को नाम पनि थपिन्छ, गिरिश पोखरेल । गिरिश र उनका साथी प्रनीलको जोडीले यो विधालाई झनै लोकप्रिय बनाए । पछिल्लो समयमा लोकप्रियता थप्ने काम गरेका छन्, र्यापर डीए सिक्स्टी नाइन । उनलाई पहिलो पटक म यस्तो छु म उस्तो छु...ले चिनायो । त्यसपछि आँखाभरि देख्छु....मा उनको र्याप शब्दले मान्छेको ध्यान खिँच्यो । तर शी इज् द बम र च्याङ्बा होई च्याङ्बाले त उनलाई र्याप स्टार नै बनाइदिएका छन् ।

आउनुहोस्, आज हामी यिनै लोकप्रिय गायकसँग भलाकुसारी गरौँ ।

बच्चा बेलामा तपाइँ कस्तो हुनुहुन्थ्यो -
एउटा साधारण बालक ।

पढाइमा नि ?
म राम्रो विद्यार्थी थिएँ ।

सङ्गीतमा कुन बेला रमाउन थाल्नु भयो - स्कूलमा कतिखेर गाउन थाल्नु भयो ?
स्कूलका केही प्यारेन्ट्स डेमा मैले गीत गाएको सम्झन्छु ।

तपाइँको प्रेरणा तपाइँको मामा सीपी शर्माको कत्तिको योगदान छ ?
खासमा उहाँले नै मलाई गीतार कसरी बजाउने भनेर सिकाउनु भएको थियो ।

कुन बेला तपाइँले गीतार छुनु भयो ?
त्यस्तै ६/७ कक्षामा पढ्दा ।

घरमा बुवा-आमाले सङ्गीतमा लाग्न वा नलाग्न कुनै दवाव दिनु हुन्थ्यो ?
त्यस्तो केही थिएन । सङ्गीत चाहिँ एक्स्ट्रा करिकुलर जस्तो मात्र थियो ।

एसएलसी सकिएपछि तपाइँले शास्त्रीय सङ्गीत सिक्नु भयो नि - किन ?
बुवा त्यसबेला प्रकाश साप्ताहिकको सम्पादक हुनुहुन्थ्यो । त्यही पत्रिकाको कार्यालयमुनि एउटा सङ्गीत सिकाउने संस्था थियो । जसमा मीरा राणाले पनि सिकाउनु हुन्थ्यो । फर्ूसदको समय सदुपयोग गरौँ भनेर मैले करिब एक वर्षजति त्यहाँ सङ्गीत सिकेँ ।

तपाइँ पछि सुगम पोखरेलसँग रत्नराज्य कलेजमा नजिकिनु भएर ग्रुप पनि बनाउनु भयो, द स्पोक्स् ग्रुप । तर तीन वटा गीत सँगै गाउनु भएको पनि थिएन, छुट्टिनु भयो किन ?
हाम्रो झगडा भएर, मारामार भएर छुट्टिएका होइनौँ । एउटा समय यस्तो भयो कि हामी नजिक बन्यौँ । त्यो नजिक भएको समयमा सुगम र मैले सँगै गीत रच्थ्यौँ, बनाउँथ्यौँ र गाउँथ्यौँ । यसो गर्दागर्दै हामीले ब्याण्डका तर्फाट भनेर तीन वटा गीत तयार पार्यौँ । तर पछि सुगमले एक्लै गाउँछु भन्ने प्रस्ताव ल्यायो । यसमा मैले रोक्ने कुरा थिएन । किनभने मान्छेले स्वतन्त्रतापूर्वक आफ्नो सिर्जना गर्न पाउनु पर्छ भन्ने मलाई लाग्थ्यो र मैले हार्दिकताका साथ उसको निर्ण्रय स्वीकृति जनाएँ ।

सुगमले गीत गाएर एल्बम निस्केर हिट हुँदा तपाइँलाई कहिल्यै 'कन्टेम्पररी जेलसनेस' भएन ?
त्यस्तो हुँदैन किनभने मेरो लाइन् के हो, उसको लाइन् के हो भन्ने कुरामा म स्पष्ट थिएँ । फेरि लोकप्रियता र माया भन्ने कुरा अलिअलि भाग्यको कुरा पनि हो नि, होइन र ?

पछि तपाइँ गिरिश प्रनीलको म यस्तो छु म उस्तो छु... मा देखिनु भयो । उहाँहरुसँग कसरी सङ्गत बढ्यो ?

खासमा सुमगसँग मेरो सङ्गत कम हुन थालेपछि मेरो सङ्गत गिरिश-प्रनीलहरुसँग बढी हुन थाल्यो । उहाँहरुको सङ्गतले मलाई र्यापतिर रुचि झन् बढेर आयो । उहाँहरुले मलाई र्याप के हो, कसरी लेख्ने, कस्तो र्याप प्रभावकारी हुन्छ आदि कुरा थाहा पाउन थालेँ । यसले गर्दा म गायनका अन्य विधाभन्दा र्यापतिर तानिएँ ।

तपाइँ पछि र्याप गीत लेखक पनि हुनु भयो, कसरी लेख्न शुरु गर्नु भयो ?
यसमा म गिरिश-प्रनीलको ज्यादै आभारी छु, जसले मलाई लेख्न सिकाउनु भयो । यो खासमा पोएट्री हो, कवितात्मक हुन जरुरी छ ।

अहिले तपाइँको लोकप्रियता यस्तो छ कि हरकोही मेलोडी गायक तपाइँलाई गवाउन चाहन्छ, कस्तो लागिरहेको छ ?

त्यही त मलाई चित्त बुझ्दैन । त्यही भएर मैले केही प्रख्यात गायकहरुको र्याप गाउने अनुरोधलाई अस्वीकार गरिसकेँ । उहाँहरुलाई मेरो अनुरोध के छ भने अरुको बुइँ चढ्न छाडिदिनुस् र आफ्नो सिर्जनामाथि बढी विश्वास गर्नुस् ।

तपाइँमा अहम् त बढेको होइन - राम्रा गायकले अनुरोध गर्नु त राम्रो होइन र ?
अहम् बढेको होइन । उहाँहरुले उहाँहरुको लागि अनुरोध गर्नु भएको हो, मेरो लागि होइन । एउटा राम्रो आधुनिक गीतलाई अत्तो न पत्तोसँग र्याप राख्दा राम्रो हुँदैन भन्ने लागेर मैले गाउन अस्वीकार गरेको हुँ ।

तपाइँको यस्तो लोकप्रियता बढ्दा पनि एल्बम निकाल्नेबारे पछिसम्म सोच्नु भएन, किन ?
शायद समय नआएकाले होला ।

एक महिनाअघि तपाइँहरुको एल्बम ब्याकरण अफ र्याप बजारमा आएको छ, खासमा ब्याकरण अफ र्याप नाम किन राख्नु भएको ?

अघि तपाइँले जुन कुरा सोध्नु भएको थियो, मेलोडी गायकहरुले हामी र्यापरहरुलाई खाली ठाउँ भर्ने वस्तुका रुपमा लिएकाले अस्वीकार गरेको बताएँ । हो, र्याप के हो, किन गाउने, कसरी गाउने, त्यसमा मेलोडी कसरी राख्नर्ुपर्छ भनेर अरुलाई सिकाउन हामीले व्याकरण अफ र्याप निकालेका हौँ । त्यो हावा गीत होइन, यसको पनि आफ्नै व्याकरण हुन्छ, शैली र शिल्प हुन्छ भनेर बुझाउन यो एल्बम निकालिएको हो ।

एल्बमभित्र त्यस्तो के खास छ ?
मैले माथि जे भनेँ, त्यही खास हो ।

तपाइँले यो एल्बममा अरु साथी पनि थप्नु भएको छ । आसिफ शाह र अमित । र, समूहको नाम पनि युनिटी राख्नु भएको छ, किन ?
म सामूहिक काममा विश्वास गर्ने व्यक्ति हुँ । आसिफ चाहिँ हाम्रो अभिभावकजस्तो भएकाले उसलाई राखेको हो । अमित पनि एउटा राम्रो गायक हो । हामी मिलेर केही गर्न सक्छौँ भन्ने विश्वासले यो समूह बनेको हो, जसलाई युनिटी भन्ने गरेका छौँ ।

तपाइँ एउटा समाचारवाचक पनि हुनुहुन्छ, एउटा र्यापर पनि । यो दुवै व्यक्तित्व एक अर्कामा ज्यादै फरक छैनन् र ?
ठीक भन्नु भयो, यो ज्यादै फरक पेशा हो । समाचारवाचक र र्यापर दुवैको महत्व र जिम्मेवारी ज्यादै फरक छ । तर म आफूलाई जहिले पनि सञ्चारकर्मीका रुपमा रमाउन चाहन्छु । र्याप गायन चाहिँ म आफूभित्रको व्रि्रोह बोल्न उपयोग गर्ने एउटा थलो हो ।

तपाइँले र्याप गाएको देख्दा तपाइँको बाबा चर्चित राजनीतिक विश्लेषक कृष्ण पोखरेललाई छोरो बिगार्यो भन्नेहरु पनि छन् भन्ने सुनेको छु । कस्तो लाग्छ, यस्तो सुन्दा ?
यो ज्यादै वाहियात् कुरा हो । कतिपय गीतका शब्द, तिनका अर्थ र तिनका व्यापकताका बारेमा म बाबासित सरसल्लाह लिने गर्दछु । उहाँले पनि मलाई यस्ता कुरामा ज्यादै हौसला दिइरहनु भएको छ । बरु तपाइँ आफैँ भन्न सक्नु हुन्छ मलाई हेरेर, म सुध्रिएको छु कि बिग्रिएको !

 
Click Here To Read Previously Posted Article    Click Here To Read Next Article          
 
More on Feature
Related Tags:
गायक सङ्गीतकार लुकेका कुरा रिलिज समुद्रपार क्या बात ! तातोपीरो नेपाली तारा ट्रयाक बाहिर अवार्ड कीर्तिमान विचार भिडन्त प्रेम र विवाह उपलब्धि पेज थ्री गायिका रुचि गीतकार कन्सर्ट
Browse Tags in Other Group
 
 
Tags in MUSIC
विवाद गायिका गायक कन्सर्ट हल्ला ट्रयाक बाहिर उपलब्धि लुकेका कुरा रिलिज परिस्थिति अवार्ड कीर्तिमान बजारमा क्या बात ! रुचि पेज थ्री प्रेम र विवाह