Home» City Life »Updates

रुखले पानी पार्दा...


तनहुँको ब्यास नगरपालिका १ गल्बुबेशीस्थित जंगलमा रहेका तीनवटा रुखबाट लगातार पानी बर्षिन थालेपछि यस क्षेत्रका बासिन्दाहरु आश्चर्यमा परेका छन् । पान्चायन मन्दिरको छेउमा रहेको रुखबाट शनिबार बिहान ८ बजेदेखि पानी पर्न थालेपछि रुखको दर्शन गर्न जानेहरुको ठूलो घुइँचो लागेको छ । आकाशमा बादलको नामोनिशान नै नभएको समयमा अचम्मलाग्दो गरी मन्दिरअगाडि रहेका दबदबेको रुखबाट पानी बर्षिन थालेको हो ।

स्थानीयबासी खेमराज अधिकारीले यस्तो घटना आफूहरुले पहिलो पटक देखेको बताए । मन्दिर नजिकैको रुख भएकोले दैवी शक्तिको प्रभाव भन्दै भक्तजनहरुको घुइँचो लागेको छ । दर्शनार्थीले रुखमा चढाएको भेटी, फलफूल र अक्षता मन्दिरमा लगेर राखिएको छ ।

दर्शनार्थीहरुले धमाधम पानी संकलन गरेर प्रसाद भन्दै आफ्नो घर लगेका छन् । आफ्नो रक्षा र कल्याण हुने विश्वासमा उक्त रुखको बर्षामा नुहाउनेको पनि कमि थिएन ।

यता दमौली परासर कलेजका विज्ञान शिक्षक शिवराज बरालले बिरुवाहरुले कहिलेकाही पानी फाल्नु नियमित प्रक्रिया भएकोले अचम्म मान्नुपर्ने कुरा नभएको टिप्पणी गर्नुभएको छ । उहाँले गर्मीको समयमा सोसिएको पानी बढी भएमा रुखको माथिल्लो भागबाट पानी फाल्न सक्ने नियमित प्रक्रिया भएको बताउनुभएको अनलाईनखबरडटकमले आफ्नो समाचारमा जनाएको छ ।

यति हुँदाहुँदै पनि राजदरबार हत्याकाण्ड भएको ६ वर्ष पुगेको दिन बिहानै जेठ 19 मा यसरी रुखले पानी वर्षाएको दृश्यलाई गाउँघरका व्यक्तिहरुले उति सहजसँग विज्ञानको तर्कलाई मान्ने छाँट देखिएको छैन ।

 
Click Here To Read Previously Posted Article    Click Here To Read Next Article          
 
More on Updates
Related Tags:
यस्तो पनि ! उदेकलाग्दो हलिउड मूर्ख्याइँ गुगल परिस्थिति भव्यता उदारता मुद्दा मामिला विज्ञापन इन्टरनेट प्रविधि उपाय बलिउड कीर्तिमान फट्याइँ सुन्दरी जनावर सेलेब्रिटी श्रीमानश्रीमती
Browse Tags in Other Group
 
 
Tags in Weird & Interesting
हलिउड मुद्दा मामिला जनावर सेक्स विज्ञापन बलिउड नग्नता माया प्रविधि सेलेब्रिटी श्रीमानश्रीमती उदेकलाग्दो कीर्तिमान यस्तो पनि ! उपाय परिस्थिति गुगल भव्यता सुन्दरी फट्याइँ उदारता इन्टरनेट मूर्ख्याइँ
Browse all Tags in Group
Tag groups: cinema, city sightings, city updates, fashion & grooming, health, misc, music, relationship, technology, television, weird & interesting, work and office,
 
 
Your Name: City Country
Your Email:
Rate this Article: 
Comments:
Security Code: