Home» Around the World »Weird and Interesting

पैसा उठाउन मौरीको सहयोग



क्यान्सर विरुद्ध चेतना जगाउन र यसैसम्बन्धी विविध कार्यक्रम सञ्चालन गर्न एक व्यक्तिले आफ्ना मौरीहरुलाई परिचालन गरेका छन् । वाह, क्या बात् ! अमेरिकन क्यान्सर सोसाइटीले इण्डियाना राज्यमा क्यान्सरबारे चेतना जगाउन आयोजन गरेको एउटा दौड कार्यक्रममा ती व्यक्तिले आफूले पालेका मौरीहरुलाई पनि यो दौडमा सामेल गराएका थिए । उनका लगभग तीन हजार बढी मौरीहरुले पनि यस म्याराथनमा भाग लिएका थिए ।

खबरअनुसार म्याराथनमा अचानक हजारौँ मौरीहरु ओइरिएपछि लगभग ४५ मिनेट कार्यक्रम अवरुद्ध हुन पुगेको थियो । तर पछि यी मौरी पनि यही म्याराथनका सहभागी हुन् भन्ने चाल पाएपछि कार्यक्रम सुचारु भएको थियो । आयोजकहरुले यी मौरीले कुनै पनि व्यक्तिलाई नटोकेको र घाइते नतुल्याएको जानकारी दिएका छन् ।

यस कार्यक्रममा ७ सय व्यक्तिहरुले भाग लिएका थिए । सीएनएनले जनाएअनुसार यी मौरीहरुले दौड शुरु गर्नुअघि कार्यक्रम स्थलको एउटा ठूलो छातामा आफ्नो अड्डा जमाएका थिए । यसरी अड्डा जमाएपछि उपस्थित व्यक्तिहरु डराएर भागम्भाग मच्चिएको थियो । तर पछि यी मौरीका मालिक म्याट ग्रीनले धुँवाको उपयोग गरेर मौरीहरुलाई शान्त गराएका थिए । यो २४ घण्टे दौडमा ६० वटा विभिन्न समूह बनाई दौडको आयोजन गरिएको थियो ।

मौरीका कारण कति पैसा उठ्यो र मौरीलाई धन्यवाद दिने कि नदिने भन्ने कुरा चाहिँ समाचारमा कहीँ उल्लेख गरिएको छैन ।

 
Click Here To Read Previously Posted Article    Click Here To Read Next Article          
 
More on Weird and Interesting
Related Tags:
यस्तो पनि ! उदेकलाग्दो सुन्दरी बलिउड माया श्रीमानश्रीमती इन्टरनेट सेलेब्रिटी परिस्थिति फट्याइँ मुद्दा मामिला उदारता नग्नता भव्यता मूर्ख्याइँ विज्ञापन हलिउड सेक्स गुगल कीर्तिमान
Browse Tags in Other Group
 
 
Tags in Relationship
sex dating divorce cheating kissing marriage honeymoon friends tips gifts breakup infidelity parties know women attracting girls know men attracting guys flirting love personal valentine's day ex-love occassion fun read