Home» Around the World »Weird and Interesting

इमान्दारिताको मूल्य

दुबईका एक अधिकारीले ६३ वर्षीय पाकिस्तानी बगैँचेलाई ५० हजार दिराम (६ हजार ९ सय पाउण्ड जसको नेपाली मूल्य लगभग नौ लाख हुन्छ) पुरस्कार दिएका छन् । त्यो पुरस्कार उनको २८ वर्षको जागीर क्रममा सधैँ समयमा आउने र बगैँचालाई दुरुस्त तथा आकर्षक राख्ने काम अटुट रुपमा गरेबापत दिइएको हो ।

यो पुरस्कार मोहम्मद नाजीरले थापेका थिए । यो रकम उनको ४९ महिनाको तलब बराबरको रकम हो । उनले २८ वर्षअघि गल्फ अरब राज्यअन्तर्गत नगरविकास प्राधिकरणमा जागीर शुरु गरेको इमिरेट्स टुडे समाचारपत्रले बताएको छ ।

"यो पैसा मेरा बच्चाहरुको बिहेको ऋण तिर्न र तिनको शिक्षामा खर्च गर्न पुग्छ । केही पुराना ऋण पनि चुक्त गर्नेछु । र, यति गर्दा पनि बाँकी रहने पैसा भविष्यका लागि जम्मा गर्नेछु", खुशीले आँखाका पुतली नचाइरहेका बगैँचे मोहम्मद नाजीरले बताए । उनले आफ्नो २८ वर्षो जागीरे जीवनमा कहिल्यै पनि बिदा लिएनन् । उनले एक पटक आँखाको सर्जरी गर्नुपर्ने बेलामा मात्र एक दिन गयल भएका थिए । कामप्रति उनको निष्ठाका कारण नै ५० हजार दिराम पुरस्कार दिइएको अधिकारीहरुले बताएका छन् ।

"यो पुरस्कार मेरो लागि धेरै अर्थ राख्छ, महत्व राख्छ । इश्वरको कृपाबिना यो सम्भव थिएन । उनकै कारण मैले पाएँ", पाकिस्तानका पूर्व सैनिक नाजीरले बताए ।

 
Click Here To Read Previously Posted Article    Click Here To Read Next Article          
 
More on Weird and Interesting
Related Tags:
उदारता यस्तो पनि ! सुन्दरी बलिउड माया सेलेब्रिटी इन्टरनेट श्रीमानश्रीमती परिस्थिति फट्याइँ मुद्दा मामिला नग्नता मूर्ख्याइँ विज्ञापन भव्यता हलिउड गुगल सेक्स कीर्तिमान उदेकलाग्दो
Browse Tags in Other Group
 
 
Tags in Weird & Interesting
हलिउड मुद्दा मामिला जनावर सेक्स विज्ञापन बलिउड नग्नता माया प्रविधि सेलेब्रिटी श्रीमानश्रीमती उदेकलाग्दो कीर्तिमान यस्तो पनि ! उपाय परिस्थिति गुगल