Home» Around the World »Weird and Interesting

श्रीमतीलाई नचिन्दा...

एउटा दुर्घटनामा परेपछि लोग्नेलाई समेत नचिनेको कथा त तपाइँले शायद चलचित्रको पर्दामा हेरिसक्नु भयो । जस्तो कि 'सपना' चलचित्रमा करिश्मा मानन्धरले आफ्नो श्रीमान् शिव श्रेष्ठसँगको वैवाहिक जीवन बिर्सिएर भुवन केसीसँग प्रीति गाँस्न थाल्छिन् । अनि भर्खरै रिलिज भएको हिन्दी चलचित्र 'सलाम-ऐ-इश्क'मा नायिका विद्या वालनले आफ्नो लोग्ने जोन अब्राहमलाई एउटा सडक दुर्घटनापछि चिन्दिनन् ।

यस्तो कथा चलचित्रको पर्दामा मात्र हुन्छ कि वास्तविक जीवनमा पनि घट्छ ? यो प्रश्न तपाइँको मनमा लागेको छ भने आउनुहोस्, म तपाइँलाई चीनको हेनान प्रान्तस्थित जिनयाङ शहरका वेइ गुआन्जीको घटना सुनाउँछु । गुआन्जीको मोटर साइकल दुर्घटना भएपछि जब अस्पतालमा आँखा खोले उनले आफ्नी श्रीमती र छोरीलाई समेत चिनेनन् ।

उनले आफ्नो मोटरसाइकल विजुलीबत्तिको पोष्टमा ठोक्काएका थिए र उनी त्यहीँ बेहोस भए । त्यसपछि केही मान्छेले उनलाई बोकेर अस्पताल पुर्‍याए । लोग्नेको दुर्घटना थाहा पाएर हतार हतार अस्पताल आएकी श्रीमती याङ जिङलाई चिन्न अस्वीकार गरेको खबर इष्टर्न टुडे अखबारले जनाएको छ ।

तर दुइ दिनपछि गुआन्जीले विस्तारै आफ्नो काम र अफिस सम्झिए तर श्रीमतीलाई अझै पनि चिन्न सकेका छैनन् । विगत नौ वर्षदेखि सफल वैवाहिक जीवन बिताइरहेको तर एक्कासि श्रीमानले चिन्न छाडेकोमा याङलाई पर्नु पीर परेको छ ।

याङले भनिन्- "उनले सबैथोक सम्झिरहेका छन्, उनलाई भेट्न आएका मान्छेहरु, उनका अफिसका साथीहरु तर मलाई मात्र अचम्म मानेर हेर्ने गर्छन् ।"

सबैभन्दा ठट्टा त त्यतिबेला भयो, जब गुआन्जीले श्रीमती र छोरीतर्फ औँल्याउँदै सोधे- यिनीहरु को हुन् ? यी आइआइसँग त मेरो भेट भएजस्तो लागेन ।" याङ त्यतिबेला छाँगाबाट खसेजस्ती भइन् ।

"मैले उनलाई हाम्रो बिहेको फोटो देखाएँ र उनलाई सोधेँ, मसँग बिहे गर्ने यो पुरुष को हो ? तब उनले भने- 'ए चिनेँ, यो पुरुष मेरो सानोको स्कूल पढ्ने साथी हो ।'" याङले श्रीमानको खुस्किएको मगजबारे बताइन् ।

गुआन्जीले श्रीमतीलाई भात पकाउन पनि दिएका छैनन् । श्रीमतीलाई उनले एक पटक भने- "तपाइँ मेरो घरको अतिथि हुनुहुन्छ, कसरी तपाइँले मलाई खाना बनाउन सक्नु हुन्छ ? मलाई पाप लाग्दैन ?"

जियाङ अस्पतालका मुख्य सर्जनले गुआन्जीको यो व्यवहारलाई 'व्याख्या गर्न नसकिने अवस्था' बताएका छन् ।

 
Click Here To Read Previously Posted Article    Click Here To Read Next Article          
 
More on Weird and Interesting
Related Tags:
श्रीमानश्रीमती परिस्थिति सुन्दरी बलिउड माया सेलेब्रिटी इन्टरनेट फट्याइँ नग्नता उदारता मुद्दा मामिला मूर्ख्याइँ विज्ञापन भव्यता गुगल हलिउड सेक्स उदेकलाग्दो कीर्तिमान उपाय
Browse Tags in Other Group
 
 
Tags in Health
weight body-care seasonal-illness diet sleep skin stress food body-ache Psychology fatigue nutrition mental -health oral-health headache
Browse all Tags in Group
Tag groups: cinema, city sightings, city updates, fashion & grooming, health, misc, music, relationship, technology, television, weird & interesting, work and office,