Home» City Life »Updates

बलि-विरोधी मिस नेपाल

उत्कृष्ट पाँचमा उभिएका मिस नेपाल २००७ का प्रतिस्पर्धीहरुको मुटुको धड्कन तेजसँग बढिरहेको थियो । उनीहरुलाई आयोजकले एउटा खुटोमा कागज र कलमसहित तयार रहन निर्देशन दिइसकेका थिए । यी सुन्दरीहरुलाई प्रमुख न्यायाधीश चर्चित अभिनेता राजेश हमालले के प्रश्न सोध्लान् भन्ने कौतुकता दर्शक दीर्घा र स्वयम् प्रतियोगी नारीहरुलाई पनि लागिरहेको थियो । यत्तिकैमा अभिनेता हमालले सोधे- 'हाम्रा सबै परम्परालाई जस्ताको त्यस्तै रहन दिनु पर्छ कि समयअनुसार यसमा छलफल चलाई परिवर्तन पनि गरिनु पर्छ ?'

अन्य प्रतियोगीहरुले दिइएको तीन मिनेट समयभन्दा अघि नै उत्तर लेखिसकेका थिए । तर एउटी प्रतियोगी भने अरुले चाँडो सकेकोमा हतारिएकी थिइनन् । न त उनको अनुहारमा तनाव नै देखिन्थ्यो । सबैभन्दा ढिलो लेखिसिध्याएकी उनले भनिन्- 'हामीले हाम्रो परम्परा र संस्कृतिमाथि गर्व र त्यसको संरक्षण गर्नुपर्छ । हाम्रा परम्परा र संस्कृतिहरु चलिआएकै तरिकाले निरन्तरता दिनुपर्नेमा जोड दिन्छु । तर सँगसँगै हामी नेपालीले मान्दै आएको केही परम्परा जस्तै कि जनावरलाई बली दिने प्रथा हटाइनु पर्छ किनकि कुनै पनि संस्कृतिलाई हत्याको छुट दिइनु हुन्न । म आफ्नो संस्कृतिलाई सम्मान गर्छु र नेपाली हुनुमा गर्व गर्दै तिनलाई अपनाउँछु पनि । धन्यवाद !'


यही उत्तरका कारण ललितपुरकी शिताष्मा चन्द यस वर्षको मिस नेपाल २००७ घोषित भएकी छिन् । उनलाई सन् २००५ की मिस नेपाल ललितपुरकै सुगारिका केसीले क्राउन पहिरिदिएर चन्दको गालामा दुइ चुम्मा खाँदै आफ्नो मिस नेपालको आधिकारिकता समाप्त पारेकी थिइन् र शिताष्मालाई गर्विलो क्षण प्रदान गरेकी थिइन् ।

विमान परिचारिका तथा यामाहा म्युजिककी सेल्स एक्जुकेटिभसमेत रहेकी शिताष्माले अन्तिम समयमा प्रमुख न्यायाधीश राजेश हमालले सोधेको प्रश्नको चित्तबुझ्दो उत्तर दिएकी थिइन् । त्यत्तिकै राम्रो उत्तर दिने बन्दना शर्मा
फस्ट रनरअप र श्वेता शाह  सेकेण्ड रनर अप भएका थिए ।

शिताष्माले मिस नेपालको टाइटलबाहेक बेस्ट वाक र मिस पर्सनालिटीसँगै एक लाख रुपियाँ र काइनेटिक नोभा मोटरसाइकल हात पारेकी छिन् । कार्यक्रममा मिस ट्यालेन्ट सावित्रा श्रेष्ठ, मिस फोटोजेनिक बन्दना शर्मा, मिस ब्युटिफूल कम्प्लेक्सन रश्मी केसी, मिस ब्युटिफूल हेयर नानीमाया खड्का तथा मिस ब्युटिफूल स्माइल ऋचा शर्मा भएका थिए ।

कार्यक्रममा निकै सजिलो प्रश्नहरु सोधिएका थिए ।

कार्यक्रममा केही प्राविधिक गडबडी देखिए पनि अघिल्ला वर्षका भन्दा यो वर्षको कार्यक्रम केही रोचक भएको थियो ।

शनिबार मिस नेपाल कार्यक्रम नहुने भन्ने हल्ला चलिरहेको बेला माओवादी कार्यकर्ताहरुले कार्यक्रमस्थलबाहिर प्रदर्शन गरेका थिए । प्रदर्शनका क्रममा तीन महिलाहरु घाइते भएको बताइएको छ । माओवादीका तर्फबाट सञ्चार मन्त्री भएका कृष्णबहादुर महरालाई मिस नेपाल कार्यक्रम नगराउन १४ वटा विभिन्न संस्थाहरुले दबाब दिएका थिए तर अन्तिम अवस्थामा यो कार्यक्रम भई छाड्यो ।

Related Link:
Miss Nepal 2007 Photo Gallery

 

 
Click Here To Read Previously Posted Article    Click Here To Read Next Article          
 
More on Updates
Related Tags:
events सेलेब्रिटी संविधानसभा crisis अनुभव awards पेट्रोल streets हल्ला hi-life festival माओवादी मोबाईल समलिङगी celebrity
Browse Tags in Other Group
 
 
Tags in Cinema
सेक्स अभिनेता अभिनेत्री सेलेब्रिटी रिलिज समारोह सुटिङ हल्ला पेज थ्री प्रविधि
Browse all Tags in Group
Tag groups: cinema, city sightings, city updates, fashion & grooming, health, misc, music, relationship, technology, television, weird & interesting, work and office,
 
 
Your Name: City Country
Your Email:
Rate this Article: 
Comments:
Security Code: