Home» Around the World »Weird and Interesting

आराम फर्माउने चोर



जब कोही चोर्न भनेर भव्य बंगलामा पुग्छ, त्यहाँबाट उसले के के चिज उठाउला ? एक छिन सोच्नुस् त ! यो कुरा र त्यो कुरा मन पर्दापर्दै शायद यति ठूलो भारी बन्न सक्छ, जसलाई लैजान पनि गाह्रो होला । त्यस्तै केही सोच्नु भयो होला, होइन त ?

चीनका एक चोर एउटा बंगलामा पुगेपछि त्यस्तै समस्यामा पर्‍यो । त्यो समस्याले उनलाई पक्राउ मात्र गरेन, एक वर्षको जेल सजाय समेत हुन पुगेको छ ।

चीनको राजधानी शहर बेइजिङको एउटा भव्य र सुविधासम्पन्न बंगलामा सामान चोर्न छिर्दा ती चोरलाई त्यहाँको भव्यताले यति लोभ्यायो कि केही दिन त्यही घरभित्र आरामपूर्वक बसेपछि एक वर्षको जेलको शयरमा परेका छन् ।

ये नामका ती कामदार पाँच तल्ले एउटा भव्य घरमा 'चासो लागेर' छिरेपछि त्यहाँको सुकिलो बाथरुममा न्वाए । भोक लागेको बेला फ्रिजबाट खानेकुरा झिकेर खाए, टेलिभिजन पनि हेरे । यति मात्र होइन, दैनिक रुपमा महङ्गा कपडा दराजबाट झिकेर लगाए अनि फराकिलो सुबिस्ताजनक ओछ्यानमा निदाए पनि ! घरका मान्छेहरु भएको बखतमा समेत उनले यी सब काम भ्याएका थिए ।

तेस्रो दिन जब एउटा कोठामा ये छिरे, घरकी मालिक सुतिरहेकी थिइन् । त्यो मौकामा उनले फ्रिजबाट दूधको कार्टुन झिके र अर्को तलाको कोठामा छिरे, सांघाई दैनिकले हिजो छापेको छ ।

"घरकी मालिक बिहान सवेरै काममा गइन्, तर येले चाहिँ घर छोड्ने कुरामा रुचि राखेनन् । घरकी मालिक्नी साँझ कामबाट फर्किँदा, पहिलो तल्लामा गइन्, यस्तो अवस्थामा ये चाहिँ दोस्रो तलामा हुने गर्दथे । मालिक्नी दोस्रो तलामा जाँदा उनी पहिलो तल्लामा लुसुक्क लस्किन्थे", अखबारले लेखेको छ ।

अर्को दिन राति जब घरका मालिक दुइ बजे कामबाट फर्किए, उनी चकित परे । उनको आफ्नो कपडा लगाएर, नुवाइवरि ये टीभी हेरिरहेका रहेछन् । त्यसपछि उनले प्रहरीलाई खबर गरेपछि ये पक्राउ परेका हुन् ।

अनेक अप्सराका सौन्दर्यमा मुग्ध भएका देउता, ऋषिमुनि र जनावर (किङकङलाई पनि सम्झनुस्) भएको त हामीले सुनेका थियौँ, घरले मोहनी लगाएको कुरा चाहिँ तपाइँलाई पनि अचम्मै लाग्ने हुनुपर्छ ।

 
Click Here To Read Previously Posted Article    Click Here To Read Next Article          
 
More on Weird and Interesting
Related Tags:
परिस्थिति फट्याइँ सेलेब्रिटी सुन्दरी माया भव्यता गुगल इन्टरनेट नग्नता हलिउड मूर्ख्याइँ बलिउड उदारता मुद्दा मामिला विज्ञापन उदेकलाग्दो कीर्तिमान प्रविधि उपाय सेक्स
Browse Tags in Other Group
 
 
Tags in Relationship
sex dating divorce cheating kissing marriage honeymoon friends tips gifts breakup infidelity parties know women attracting girls know men attracting guys flirting love personal valentine's day ex-love occassion fun read