Home» Around the World »Weird and Interesting

सुन्दर अफिसरका हातमा गुलाब

दक्षिण-पश्चिम चीनको सिचुआन प्रान्तका सुन्दर महिला प्रहरीहरुको हातमा हिजोआज लाठी र बन्दूक हुँदैनन् । उनीहरुको हातमा त बरु सुन्दर गुलाबका फूलहरु हुन्छन् । ती गुलाबका फूल आफ्ना प्रेमी वा श्रीमान्का लागि उनीहरुले छुट्याएका चाहिँ होइनन् । बरु जसले सडक नियम मिच्छन्, तिनलाई सम्झाउनका लागि फूल उपहार दिने अभियान शुरु गरेका छन् ।



दाझोउ शहरको प्रहरी प्रशासनले हप्काई दप्काई गरेर नियम मान्न लगाउनुभन्दा पनि प्रेमले सम्झाईबुझाई गर्ने यो नयाँ शैली सोचेका हुन् । महिला प्रहरीहरुले मोटर चालकहरुलाई गुलाबको फूल दिँदै भन्छन्- "राम्रोसँग गाडी चलाउनुहोस्, दर्ुघटनाबाट जोगिनुहोस् किनभने घरमा तपाईंलाई कसैले कुरिरहेको छ ।"

२५ देखि ४५ वर्षउमेरका महिला प्रहरी अधिकारीहरु यस कामका लागि छानिएका थिए ।

"बोर्डमा टाँगिएका सन्देशभन्दा हामीले यसो गर्दा त्यो सन्देश बढी मजाले उनीहरुको दिलमा गढेको मैले पाएँ", प्रहरी प्रवक्ताले चीनको स्थानीय एक पत्रिकालाई बताएका छन् ।

"हामीले ती चालकहरुलाई बढ्ता गतिमा कुदाएको भन्दै कुनै टिकट काट्नु भन्दा पनि गुलाबले गति सीमित गर्न सुझाव दिनु झन् उपयोगी देखिएको छ", उनले बताए ।

यो डिसेम्बर महिनाभर एक लाख गुलाबका फूल एक लाख ड्राइभरलाई दिने योजना राखिएको पनि बताइएको छ ।

 
Click Here To Read Previously Posted Article    Click Here To Read Next Article          
 
More on Weird and Interesting
Browse Tags in Other Group
 
 
Tags in TELEVISION
रियालिटी शो श्रृङ्खला भीडबाहिर हल्ला र वास्तविकता विदेशमा रमाइलो अभिनेता अभिनेत्री निर्माता नयाँपन भित्री कुरा
Browse all Tags in Group
Tag groups: cinema, city sightings, city updates, fashion & grooming, health, misc, music, relationship, technology, television, weird & interesting, work and office,
 
 
Your Name: City Country