Home» Around the World »Weird and Interesting

ट्राफिक संकेतबाट दिक्क

लण्डनका व्यस्त सडक र चोकहरुमा बग्रेल्ती पाइने ट्राफिक संकेतका कारण दिक्क बनेको बेलायती सरकारले त्यसका विरुद्ध युद्ध छेड्ने जनाएको छ । ट्राफिक बत्ती राखिने खम्बा, रेलिङ, विज्ञापनका बोर्डहरुका कारण यति सुन्दर शहरको इङ्लिस चरित्रमा धब्बा लागेको उसको गुनासो छ ।



कम्युनिटीज सेक्रेटरी एरिक पिक्लस र ट्रान्सपोर्ट सेक्रेटरी फिलिप हेमन्डले बेलायतभरका स्थानीय काउन्सिलका नेतृत्व तहलाई बोलाई सडकको दायाँबायाँ देखिएको यो "फोहोर"लाई तह लगाउन अनुरोध गरेका छन् । रमाइलो त के छ भने, त्यस्ता फोहोर तह लगाउने सूचीमा ट्राफिकको संकेत बत्तीसमेत परेका छन् ।

यस्ता ट्राफिक संकेतले पैदलयात्रु र गाडीचालकलाई समेत रनभुल्लमा पार्न थालेका कारण यसलाई हटाउने अभियान शुरु गरिएको बताइएको छ । कतिपय प्रभावशाली संकेत बत्तीहरु पनि हटाउने अभियानमा सरकार लागिपरेको छ । "कतिपय प्रभावशाली बत्तीसंकेत पनि हामीले हटाउने प्रयास गरिरहेका छौँ", हेमन्डले भने- "यसो गर्दा चालकहरुमा जिम्मेवारीबोध होस् भन्ने हामीले चाहेका हौँ ।"

सरकारबाट यस्तो संकेत पाउने बित्तिकै बेलायती यातायात विभागले ट्राफिक बत्ती र संकेतसम्बन्धी आफ्नो नीतिमा परिवर्तन गर्ने भएको छ । यसका लागि जनताबाट नयाँ सुझावहरु पनि माग गर्दै यही वर्षभत्रै नयाँ ट्राफिक संकेतसम्बन्धी नयाँ नीति प्रकाशन गर्ने तयारी गरिरहेको छ ।

 
Click Here To Read Previously Posted Article    Click Here To Read Next Article          
 
More on Weird and Interesting
Browse Tags in Other Group
 
 
Tags in City Updates
crisis events hi-life अनुभव festival celebrity माओवादी मोबाईल streets पेट्रोल समलिङगी सेलेब्रिटी हल्ला awards संविधानसभा
Browse all Tags in Group
Tag groups: cinema, city sightings, city updates, fashion & grooming, health, misc, music, relationship, technology, television, weird & interesting, work and office,
 
 
Your Name: City Country