फिल्मका ज्यादै ठूलो प्रशंसकका रुपमा आफूलाई चिनाउँदै आइरहेका अमेरिकाका एक व्यक्तिले विश्वका महान् फिल्महरुलाई एक मिनेटको छोटो फिल्म बनाएर ती फिल्मलाई आफ्नो र्समर्पण देखाउने भएका छन् ।
अमेरिका निवासी ३५ वषर्ीय मार्क वाङले हालै यो घोषणा गरेका हुन् । उनले स्पीड, पर्ल हार्बर र टप गनजस्ता प्रख्यात फिल्मलाई ६० सेकेण्डभित्र त्यसको मर्म नमर्ने गरी बनाउने घोषणा गरेका हुन् ।
फिल्मको ठूलो प्रशंसक यिनले वास्तविक आकारको एउटा हवाई जहाजको ककपिट पनि आफ्नै घरको बगैँचामा निर्माण गरेका छन् । यो ककपिटमा उनले पर्ल हार्बरका विभिन्न दृश्यहरु खिच्ने भएका छन् ।
पेशाले एकाउन्टेन्ट वाङले यी फिल्म बनाउनका लागि तीन महिना छुट्याउने भएका छन् । उनले हरेक फिल्मलाई तीन महिना लगाएर बनाउने र ती फिल्ममा आफ्ना नजिकका व्यक्ति, नातेदार र गःलप|mेण्डलाई समेत सहभागी गराउने छन् । उनले यी तीन वटै फिल्मलाई युट्युबडटकमबाट प्रसारण गर्ने भएका छन् ।
“लामो फिल्मलाई एक मिनेटमा झार्नु पक्कै पनि सहज छैन तर फिल्मको आधारभूत कथा भन्न यो समय पर्याप्त हो”, वाङले भने- “मैले बनाएको नमूना फिल्मलाई हेरेर केही व्यक्तिहरुले यसलाई वास्तविक फिल्मभन्दा राम्रो भनेका छन् । यसबाट हौसिएर तीन वटा फिल्म बनाउन लागेको हो ।”
पहिलो फिल्म उनले स्पीडको कथालाई लिएर बनाएका छन् । उनले आफ्नै घर क्याम्ब्रिजको छेउछाउका झाडीहरुमा यो फिल्मलाई छायाँकन गरेका छन् । “यो खिच्नु मेरालागि साँच्चिकै रमाइलो क्षण बन्यो”, उनले छायाँकनको दिन सम्झँदै भने- “म झाडीमा उप्रिmने र दौडिने गर्दा जिउ दुखेर हैरान । तर ठूल्ठूला बम पड्काउनका लागि चाहिँ मैले स-साना उपायहरु उपयोग गरेँ ।”
यी फिल्महरु एम्पायर म्यागेजिनले ६० सेकेण्डमा पूरा गरिएका फिल्महरुको प्रतिस्पर्धामा भाग लिँदैछन् । यो एउटा यस्तो प्रतियोगिता हो, जसमा अमेरिकाभरिका युवाहरुले आफूलाई मनपर्ने फिल्महरुको एक मिनेट छोटो फिल्म बनाएर प्रतिस्पर्धामा भाग लिन पाउँछन् ।
यी तीन वटा फिल्मको काम सकिएपछि उनीसँग ग्लाडिएटर, ज्वज र प्वाइन्ट ब्रेकजस्ता फिल्मको छोटो फिल्म बनाउने ध्याउन्नमा लागेका छन् ।
