Home» Cinema »Feature

आगो नियमको लपेटामा !

 सूचना तथा सञ्चार मन्त्रालय श्रव्यदृश्य शाखाले आगो चलचित्र प्रदर्शन भएको तीन सातापछि यसको प्रदर्शनमा आपत्ति जनाएको छ । शाखाका अनुसार निर्माताले नियम मिचेर कुनै पनि किसिमको स्वीकृति नलिई विभिन्न दृश्यको छायाँकन गर्ने, क्लाइमेक्स परिवर्तन गर्ने र अनुमति नलिई चलचित्र घरमा प्रदर्शन गर्ने अवैधानिक कार्य गरेको आरोप चलचित्रका निर्मातालाई लगाएको छ । यस्तो अवैधानिक कार्य कसरी र किन भइरहेको छ भनी शाखाले चलचित्र विकास बोर्डलाई समेत पत्र काटेको छ ।

यता चलचित्र विकास बोर्डले बोर्ड वा सूचना तथा सञ्चार मन्त्रालयको श्रव्यदृश्य शाखाको अनुमति नलिई किन दृश्यहरु थपिए र थपिएका दृश्यहरु किन सेन्सर गरिएन भनी निर्मातालाई शाखाको पत्रको बोधार्थ दिएको छ । २४ घण्टाभित्र पत्रको जवाफ दिनुपर्ने उक्त पत्रले बताएको थियो ।

चलचित्र निर्माता शिवजी लामिछानेले अन्तरिम संविधान जारी भएको र पुराना संविधानअर्न्तर्गतका सम्पूर्ण नीतिनियमहरु काम नलाग्ने स्थितिमा रहेका बेला यस्ता पत्रको जवाफ दिइरहनु नपर्ने बताएका छन् । "त्यो पत्रको जवाफ दिनुपर्ने कुनै कारण देख्दिनँ", चितवनमा 'लाल सलाम' चलचित्र खिचिरहेका लामिछानेले भने- "मैले उनीहरुलाई यही मौखिक जवाफ दिइसकेको छु । उनीहरुले मलाई पत्र काट्ने कुनै कारण देख्दिनँ ।"

यता चलचित्र विकास बोर्डले आफूहरुले लिखित जवाफ नपाएको र २४ घण्टे म्याद पनि गुज्रिसकेका कारण अब के गर्ने हो भनेर छलफल भइरहेको बताए । बोर्डका एक कर्मचारीका अनुसार यो चलचित्रमाथि कारवाही गर्न आवश्यक छ र त्यो कारवाही श्रव्यदृश्य शाखाले गर्नेछ ।

यता श्रव्यदृश्य शाखाका एक कर्मचारीका अनुसार चलचित्र विकास बोर्डलाई त्यो चलचित्रमाथि कारवाही गर्न कुनै थुनछेक नभएको बताउँछन् । हलको अनुगमन गर्ने, चलचित्रको निर्माण इजाजत दिनेलगायत सम्पूर्ण काम त्यहीँबाट भइरहेको अवस्थामा यो चलचित्रमाथि कारवाही गरिने कुरामा चाहिँ शाखातिर औँला ठड्याउनुको अर्थ नबुझेको बताए ।

६ वर्षअघि चलचित्रमा माओवादी कथालाई प्रश्रय दिएको आरोपमा चलचित्रमाथि प्रतिबन्ध लगाइएको थियो । तर सर्वोच्च अदालतमा मुद्दा परेपछि अदालतले केही दृश्य काटी त्यसलाई लिरिज गर्ने अनुमति दिएको थियो ।

स्मरणीय के छ भने चलचित्र विकास बोर्डका अध्यक्ष शैलेश आचार्य चलचित्र आगोका निर्देशक नारायण पुरीका गुरु हुन् । चलचित्र उद्योगमा उनलाई स्थापित गर्न आचार्यको ठूलो योगदान छ । गुरुले चेलाको चलचित्रमाथि कस्तो कारवाही गर्ने हुन्, यो चाहिँ हेर्न बाँकी नै छ ।

Related Articles:
- आगोमा घिउ
- दुवै हातमा लड्डु !

 
Click Here To Read Previously Posted Article    Click Here To Read Next Article          
 
More on Feature
Related Tags:
कन्ट्रोभर्सी रोचक क्या बात ! रोमान्स पार्टी निर्देशक घोषणा नवीनता फिल्म फेस्टिबल ग्ल्यामर सेक्स कार्यक्रम सोच सञ्चारकर्मी पेज 3 अभिनेता अभिनेत्री प्रविधि
Browse Tags in Other Group
 
 
Tags in Relationship
sex dating divorce cheating kissing marriage honeymoon friends tips gifts breakup infidelity parties know women attracting girls know men attracting guys flirting love personal valentine's day ex-love occassion fun read memories Family
Browse all Tags in Group