Home» Around the World »Weird and Interesting

विदेशी रेफ्रीलाई नागरिकताको अफर

तपाइँलाई थाहा भएकै हुँदो हो अहिले संसारभर यूरो कप २००८ को ज्वरो उच्च विन्दुमा छ । यस्तो अवस्थामा यूरो कपमै भाग लिइरहेका समूहको टेन्सनको त झन् कुरै भएन । यस्तो स्थितिमा हालै भएको अष्ट्रिया र पोल्याण्डबीचको खेलमा पोल्याण्डले खेल हारेपछि त्यसको दोष रेफ्रीमाथि थोपरिएको छ ।

खेलका अंग्रेज रेफ्री होवार्ड वेबका कारण आफ्नो देशको टिमले हारेको निष्कर्श निकालेका केही युवाहरुले ती रेफ्रीलाई पोल्याण्डको नागरिकता दिइनुपर्ने जिकीर गरेका छन् ।

यसको पछाडि एउटा गम्भीर कारण छ । कारण के भने यदि होवार्डलाई पोल्याण्डको नागरिकता दिइएको खण्डमा उनले नयाँ नागरिकतावाला देशमाथि गद्दारी गर्ने छैनन् र त्यो टिमलाई जिताउन दिन रात एक गर्नेछन् । यसअघि पनि उनको गल्तीका कारण एक खेलमा पोल्याण्डले हारेको थियो ।

होवार्डलाई पोलिस नागरिकता दिलाउन राष्ट्रिय टिमको प्रशंसक रहेका केही व्यक्तिहरुले इन्टरनेटमा आफ्नो अभियान शुरु गरिसकेका छन् । वेबसाइटमा लेखिएको छ- यो उपाय रचिएको खण्डमा उनले फेरि हाम्रो खेलाडीहरुलाई हराउने उपाय सुझाउने छैनन् ।

बेलायतका नागरिक रहेका होवार्ड पहिले प्रहरी र्सर्जेन्टबाट सेवामुक्त भएका व्यक्ति हुन् । उनले पोल्याण्डमाथि जानीजानी गल्ती गरेको कुरामा आपत्ति जनाएका छन् । उनले आफूले गरेको निर्णय सही भएको र त्यसमा कुनै परिवर्तन नहुने विभिन्न सञ्चारमाध्यममा जनाइसकेका छन् ।

"हामी लोकप्रिय हुनका लागि काम गर्दैनौँ, हामी त सम्मानित हुनका लागि काम गर्र्छौँ", होवार्डले प्रतिक्रिया दिँदै एनानोभालाई भनेका छन्- "कसैलाई जिताउने र कसैलाई हराउने काम हाम्रो होइन । हामी त खेलको शुद्धिकरणमा ध्यान दिन्छौँ ।"

 
Click Here To Read Previously Posted Article    Click Here To Read Next Article          
 
More on Weird and Interesting
Related Tags:
मूर्ख्याइँ उपाय हलिउड गुगल परिस्थिति भव्यता मुद्दा मामिला उदारता विज्ञापन इन्टरनेट प्रविधि बलिउड कीर्तिमान फट्याइँ सुन्दरी जनावर सेलेब्रिटी उदेकलाग्दो श्रीमानश्रीमती यस्तो पनि !
Browse Tags in Other Group
 
 
Tags in City Sightings
festival releases celebrity party events story wedding bandhs & protests bizarre traffic real picture hi-life city beauty pageant travel culture awards
Browse all Tags in Group
Tag groups: cinema, city sightings, city updates, fashion & grooming, health, misc, music, relationship, technology, television, weird & interesting, work and office,
 
 
Your Name: City Country
Your Email:
Rate this Article: 
Comments:
Security Code: