Home» Around the World »Weird and Interesting

ज्योतिषहरुको हिलारी-ओबामा झगडा

अमेरिकी जनतामाझ अब कसले राष्ट्रपति जित्ला भन्ने चासो दिनदिनै बढिरहेको बेला यो चासो फैलिएर भविष्यवेत्ता र ज्योतिषहरुसम्म पुगिसकेको छ ।

यस वर्ष अमेरिकाको डेनभरमा जम्मा भएका ४५ देशका १५ सय बढी ज्योतिषहरुले नोभेम्बरमा बाराक ओबामाले राष्ट्रपतिको दौडमा जीत हासिल गर्ने बताएका छन् ।

"युनाइटेड एस्ट्रोलजी कन्फरेन्सः रकिङ द युनिभर्स" सम्मेलनमा भेला भएकाहरुले बाराक ओबामाले जित्ने बताएका छन् । जोन म्याक्केन, बाराक ओबामा र हिलारी क्लिन्टनबीच भएको प्रतिस्पर्धामा कसले जित्ला भन्ने प्रश्मा बाराकलाई जिताएका हुन् ।

"बाराकको जन्म दिन १९६१ अगस्त ४ को बिहान ७ः११ बजे भएको हुँदा उनले जित्छन् भन्ने मलाई पक्का छ", डलासकी ज्योतिष जोनी पारटीले बताइन् ।

ज्योतिषहरुको प्रभाव अमेरिकामा यति छ कि राष्ट्रपति रिचर्ड निक्शनको राष्ट्रिय सुरक्षाका बारेमा गरेको भविष्यवाणीमा रोज मेरी वुड्सले आफ्नो भनाइ राष्ट्रपतिलाई दिएकी थिइन् । त्यस्तै नान्सी रेगन जो रिचर्डकी श्रीमती थिइन्, उनले पनि आफ्ना पतिको हात धेरै पटक हेराएकी थिइन् ।

दोस्रो विश्वयुद्धताका बेलायती जासूसहरुले एक जना प्रख्यात ज्योतिषलाई हिटलरको कामकारवाहीका विषयमा भविष्य हेराएका थिए ।

"हाम्रा धेरै कुराहरु प्रकृतिको एउटा भाग मात्र हुन् । सूर्य, चन्द्रमा, ग्रहहरु र ताराले हाम्रा गतिविधिलाई नियन्त्रण गरिरहेका हुन्छन्", ज्योतिष अर्कम्यानले कार्यक्रममा बताए ।

२५ प्रतिशत अमेरिकीहरु मात्र ज्योतिष र भाग्यवादमा विश्वास गर्दछन् भनी २००५ मा गरिएको एउटा र्सर्भेमा जनाइएको छ । तर पछिल्लो समयमा यो संख्या बढ्दै गएको समाचारमा जनाइएको छ ।

उसो भए आउँदो नोभेम्बरमा कसले अमेरिकी राष्ट्रपतिको दौडमा जित्दैछ त ?  पार्टीहरुको भनाइ मान्ने हो भने म्याक्केनले जित्दैछन्, ओबामा अलि पछि नै छन् । तर ज्योतिषहरुमध्ये एक इस्तानाबुलकी हाकान किर्कोउले चाहिँ इराकबाट अमेरिकी सेना सन् २०१० सम्म फर्किसक्ने घोषणा गरेकी छिन् । उनले भनिन्- "अमेरिकी राष्ट्रपति जो सुकै होस् मलाई मतलब छैन ।"

 
Click Here To Read Previously Posted Article    Click Here To Read Next Article          
 
More on Weird and Interesting
Related Tags:
यस्तो पनि ! माया सुन्दरी बलिउड गुगल मुद्दा मामिला मूर्ख्याइँ सेलेब्रिटी इन्टरनेट भव्यता विज्ञापन श्रीमानश्रीमती प्रविधि कीर्तिमान परिस्थिति उपाय नग्नता हलिउड फट्याइँ सेक्स
Browse Tags in Other Group
 
 
Tags in MUSIC
विवाद गायिका गायक कन्सर्ट हल्ला ट्रयाक बाहिर उपलब्धि लुकेका कुरा रिलिज परिस्थिति अवार्ड कीर्तिमान बजारमा क्या बात ! रुचि पेज थ्री प्रेम र विवाह