Home» Cinema

आकाशको फड्को

आकाश अधिकारीले "गोर्खा रक्षक" चलचित्र निर्देशन गर्ने भएका छन् । मंगलबार राजधानीमा सो चलचित्रको शुभ मुहुर्त कार्यक्रम सम्पन्न भएको छ ।

फ्लाइङ बी इन्टरटेन्मेन्टको प्रस्तुति रहेको यस चलचित्रका निर्माता सन्नी बी केसी रहेका छन् ।

अंग्रेजी र नेपाली दुवै भाषामा यस चलचित्रलाई बनाइने निर्देशक अधिकारीले जनाएका छन् ।

चलचित्रमा शिव श्रेष्ठ, रेखा थापा, नीर शाह, सम्राट सापकोटा, नरेश भट्टराईसँगै निर्माता सन्नी बी केसीले समेत यस चलचित्रमा अभिनय गर्ने भएका छन् ।

चलचित्रको सुटिङ मंगलबारदेखि नै काठमाडौँमा शुरु भइसकेको छ ।

निर्देशक अधिकारीको यो एघारौँ निर्देशकीय प्रोजेक्ट हो ।

चलचित्र मार्शल आर्टसम्बन्धी रहेको बताइएको छ । "खासमा मार्शल आर्टको जननी नेपाल हो र यसको उत्पत्ति गौतम बुद्धसम्म पुगेर अन्त्य हुने हुनाले यो खेलको मुख्य र्सजक गौतम बुद्ध हुन् भन्ने हाम्रो भनाइ चलचित्रमार्फ् प्रस्तुत हुनेछ", निर्देशक अधिकारीले पत्रकारहरुसँग भने- "गौतम बुद्धका वाणीहरु सिकेर चिनियाँ शिष्यहरु जब भोक, अनिकाल र पहाड पर्वतसँग जुझ्दै चीन पुगे- बाटोमा जाँदै गर्दा यो कलाको विकास भएको हो ।"

चलचित्रको अन्य गुह्य कुराहरु बताउन भने चलचित्रको प्रदर्शन मिति कुर्न उनले आग्रह गरे । तर उनले थपे- "यो चलचित्रलाई अमेरिकास्थित मार्शल आर्ट फिल्म फेस्टिवलका लागि तयार पारिने छ र त्यहाँ उपस्थिति जनाइसकेपछि मात्र नेपालमा प्रदर्शन हुनेछ । यो चलचित्रको अवधि मात्र सय मिनेटको हुनेछ ।"

खबर अनुसार यो चलचित्रको सिक्वलसमेत बनाइने भएको छ । सिक्वलको लागि अन्य चरणका वार्ता जारी रहेको र अमेरिकी पक्षसँग वार्ता भइरहेको बताइएको छ ।

क्या बात, आकाशको फड्को !

 
Click Here To Read Previously Posted Article    Click Here To Read Next Article          
 
More on Cinema
Browse Tags in Other Group
 
 
Tags in Health
weight body-care seasonal-illness diet sleep skin stress food body-ache Psychology fatigue nutrition mental -health oral-health headache
Browse all Tags in Group
Tag groups: cinema, city sightings, city updates, fashion & grooming, health, misc, music, relationship, technology, television, weird & interesting, work and office,
 
 
Your Name: City Country
Your Email: