Home» Around the World »Weird and Interesting

जन्मदिनमै करोडपति

वास्तवमै लोग्नेमान्छेको भाग्यका बारेमा कसैलाई थाहा नहुँदो रहेछ ! हिजोसम्म कंगालपति भनेर चिनिएका एक बेलायती नागरिकले स्वर्गको बाटो तताउने बेलामा चाहिँ पैसाको सुख पाएका छन् । उनले सोच्दै नसोचेको रकम उनले आफ्नो ६० औँ जन्म दिनको अवसरमा हात पारेका छन् ।

उनले गएको साता मात्र लगभग एक डलरको बाजी थापेका थिए, त्यो पनि एउटा घोडा दौडमा । तर दिन ढल्ने बित्तिकै उनी अकस्मात करोडपतिको सूचिमा दरिए । किनभने उनले त्यो घोडा दौड मज्जाले जिते ।

अहिले ६० औँ जन्मदिन मनाएर खुशीसाथ उत्तरी बेलायतको योर्कसायरमा बसिरहेका फ्रेड क्र्याग्सले पैसा जितिसकेपछि पनि उनले थाहा पाएका थिएनन्, उनी करोडपति बने भनेर । तर जब उनले बाजी थापेको संस्था विलियम हिल भन्ने बाजी थाप्ने संस्थाले उनलाई बोलायो, उनी चकित परे ।

उनलाई संस्थाले तत्काल करोडपतिको जस्तो व्यवहार गर्‍यो र पैसा जितेको बतायो । उनले तब पैसा लिनुको साटो यो खबर गएर श्रीमतीलाई भन्न रुचाए । श्रीमती उचालिएर खुशी भएपछि मात्र उनलाई विश्वास भयो, कि वास्तवमै हामी धनी भएछौँ । हाम्रा दुःखका दिन गएछन् ।

सन् १९६१ मा दर्ता भएको यो बाजी लगाउने संस्थाले दुइ शीर्षकमा बाजी थाप्ने गरेको छ । एउटा शीर्षक "इजन्ट द्याट लकी" र अर्को "अ ड्रीम कम ट्रु" रहेका छन् । जसअन्तर्गत कहिलेकाहीँ करोडपति झनै करोडपति हुने गरेका छन् भने कहिले चाहिँ रोडपति नै करोडपति हुने गरेका रोयर्टस समाचार संस्थाले जनाएको छ । 

 

 

 
Click Here To Read Previously Posted Article    Click Here To Read Next Article          
 
More on Weird and Interesting
Related Tags:
यस्तो पनि ! श्रीमानश्रीमती माया सुन्दरी बलिउड गुगल मुद्दा मामिला मूर्ख्याइँ सेलेब्रिटी इन्टरनेट भव्यता विज्ञापन प्रविधि कीर्तिमान परिस्थिति नग्नता उपाय हलिउड फट्याइँ सेक्स
Browse Tags in Other Group
 
 
Tags in Health
weight body-care seasonal-illness diet sleep skin stress food body-ache Psychology fatigue nutrition mental -health oral-health headache
Browse all Tags in Group
Tag groups: cinema, city sightings, city updates, fashion & grooming, health, misc, music, relationship, technology, television, weird & interesting, work and office,