Home» Cinema »Review

अल्पविरामः उद्योगको कोशेढुंगो

नेपालमा विस्तारै चलचित्रको महत्व थाहा हुन थालेको महसूस हुँदैछ । चलचित्र पनि मास मिडियाको दह्रो माध्यम हो र यसले गम्भीर सिर्जनामार्फत् दर्शकहरुलाई मनोरञ्जन मात्र होइन सोच्न पनि बाध्य पार्छ भन्ने सोच विस्तारै नेपाली चलचित्र उद्योगमा विकास भइरहेको छ । यसको पछिल्लो उदाहरण बनेको छ- अल्पविरामअल्पविराम नारायण पुरीद्वारा निर्मित तथा निर्देशित डिजिटल सिनेमा हो । जसले नेपालमा स्वतन्त्रता र मुक्तिको आन्दोलनबारे भएका सशस्त्र आन्दोलनको विषयमा बोलेको छ ।

हामीले बच्चामा प्राथमिक शिक्षा लिँदा गुरुआमा नेपालकी भन्ने एउटा पाठ पढ्नु पर्दथ्यो । जसमा गुरुआमाले पृथ्वीनारायण शाहलाई पटकपटकको प्रयासमा नेपालको एकीकरण कसरी सम्भव छ भन्ने पाठ सिकाएकी थिइन् । लगभग त्यस्तै झल्को आउँछ, यो चलचित्रमा बूढी आमाको भूमिका देख्दा । उनले कथाको सूत्रधार बनेर पञ्चायतकालमा ओखलढुंगा काण्डमा भएको सशस्त्र द्वन्द्व, २०४६ सालको आन्दोलन र माओवादीहरुको सशस्त्र संघर्षले जनसाधारणको क्षतिका विषयमा बोलेकी छिन् ।

माओवादी-सरकार संघर्षले कसरी गाउँभरिका लोग्ने मान्छे स्वाहा भए, कसरी गाउँका गाउँ लोग्नेमान्छेहरु मुग्लान पस्नुपर्‍यो, कसरी दाजुभाइजस्ता व्यक्तिहरु मर्न र मार्न उद्दत भएजस्ता कुराहरुलाई घटना र दृश्यका माध्यमले प्रभावकारी ढङ्गमा प्रस्तुत गरिएको छ । कथानक चलचित्रलाई डकुड्रामा शैलीमा निर्माण गरिएकाले नियमित दर्शकहरुले भने यसमा उति मसला पाउँदैनन् । तर चलचित्रले प्रस्तुत गरेको विषय निकै गहन छ । जस्तो कि कर्तव्यका कारण कसरी एउटा प्रहरी आफ्नै दाजुभाइजस्ता माओवादीहरुलाई गोली हान्न बाध्य छ, कसरी एउटै घरमा माओवादी र प्रहरी शरण लिन बाध्य छन्, लडाइँमा गएको प्रहरीका परिवारको कस्तो विचल्ली हुन्छ, बिनाकारण मारिएको एउटा निर्दोषको परिवारमाथि के बित्छ - यस्ता विविध विषयमा छोटो-मीठो घोचाइ चलचित्रले प्रस्तुत गरेको छ ।

चलचित्रका निर्देशक नारायण पुरीले यस चलचित्रमार्फत् एउटा गम्भीर काम गरेर देखाएका छन् । जेम्स प्रधानको सिनेमाको ब्याकग्राउण्ड स्कोर घरिघरि 'लाउड' लाग्छ । चलचित्रमा रामचन्द्र अधिकारीको रुन्चे अभिनय निकै सान्दर्भिक छ । चलचित्रका मुख्य पात्रहरु रमा थपलिया र सुनील पोखरेल स्वभाविक लाग्छन् । तर रमाको आवाजमा धेरै बुढ्यौली खाँद्नाले आवाजको प्रभाव छाड्न अझै सकेकी छैनन् । विजय लामालाई प्रहरी अधिकृतको भूमिका सुहाएको छ । संगीतकार प्रेमराजा महतको गाइने गीत पनि समय सान्दर्भिक बन्न पुगेको छ ।

समग्रमा नेपाली चलचित्रको इतिहासमा यो एउटा पृथक् सिनेमा बनेको भने पक्कै छ ।

 
Click Here To Read Previously Posted Article    Click Here To Read Next Article          
 
More on Review
Related Tags:
निर्देशक नवीनता कन्ट्रोभर्सी फिल्म फेस्टिबल क्या बात ! ग्ल्यामर रोचक अभिनेता पार्टी अभिनेत्री घोषणा सोच सञ्चारकर्मी रोमान्स कार्यक्रम पेज 3 सेक्स प्रविधि
Browse Tags in Other Group
 
 
Tags in Technology
gadgets mobile digital camera phone software people speak laptop communication Filming
Browse all Tags in Group
Tag groups: cinema, city sightings, city updates, fashion & grooming, health, misc, music, relationship, technology, television, weird & interesting, work and office,