Home» City Life »Updates

फोहोरको फोहोरी खेल !



तपाइँ काठमाडौँबासी हुनुहुन्छ ? तपाइँको सुँघ्ने शक्ति कस्तो छ ? एकदमै राम्रो छ भने तपाइँका लागि दुःखको खबर छ । काठमाडौँको फोहोर तह लगाउन बसेको बैठक सहमतिबेगर टुंगिएको छ । यो सहमति हुन नसकेपछि अब अझै एक साता तपाइँ घरबाहिर निस्कनु हुँदा तपाइँको नाकले दुःख पाउनेछ ।

काठमाडौँको फोहोर कहिले कर्मचारीका कारण त कहिले ल्याण्डफिल साइट (डम्पिङसाइट) का स्थानीयबासीका कारण फुटबलजस्तो बन्न पुगेको छ । कहिले फोहोर सफाइ गर्ने कर्मचारीले महानगरपालिकासँग अनेक माग राखेर शहरलाई प्रदूषित बनाइराख्ने र कहिले स्थानीय जनताले फोहार व्यवस्थापन गर्न अवरोध गरेर फोहोरी संस्कृतिलाई बढावा दिने गरेका छन् ।

तर यस पटक भने स्थानीय बासिन्दाको कुनै दोष छैन । उनीहरुले चाहिँदो माग राखेर फोहोर फ्याल्न अवरोध खडा गरेका छन् । तर स्थानीय मन्त्रालय र महानगरपालिकाहरुले त्यस्ता मागलाई गम्भीरताका साथ नलिएर फोहोरमाथि फोहोरी खेल खेलिरहेका छन् । यो खेलका कारण अहिले काठमाडौँ खाल्डोमा चार हजार मेट्रिक टन फोहोर अलपत्र परेको छ । उपत्यकाभित्र अन्दाजी दैनिक तीन सय ५० टन फोहोर दैनिक थुप्रिने गरेको छ ।

काठमाडौँ र ललितपुरबाट दैनिक जम्मा हुने फोहोरलाई धादिङको ओखरपौवास्थित सिसडोल ल्याण्डफिल्ड साइडमा व्यवस्थापन गर्ने गरिन्छ । उक्त क्षेत्रका वासिन्दाहरुले त्यहाँ फोहोर फ्याल्न एघार दिनदेखि रोक लगाइरहेका छन् । उनीहरुको आरोप छ- स्थानीय विकासका लागि गरिनुपर्ने खर्च स्थानीय विकास मन्त्रालय र महानगरपालिकाहरुले गरेका छैनन् ।

स्थानीय जनताले त्यहाँ बिजुली, बाटो, शिक्षा, स्वास्थ्य, खानेपानीलगायत फोहोरका कारण नोक्सानी भएको बालीको क्षतिपूर्ति आदिको माग गरेका छन् । तर यो मागबारे सरकारले स्थानीय जनतालाई पटकपटक मिति तोक्दै क्षतिपूर्ति दिन झुक्याइरहेको स्थानीयबासीहरुको आरोप छ ।

गर्नुपर्ने माग पूरा नगर्ने र नगरिनुपर्ने बैठक ज्यादा गर्ने बानीका
कारण स्थानीयबासीहरुले ज्यादै दुःख पाएका छन् ।

 
Click Here To Read Previously Posted Article    Click Here To Read Next Article          
 
More on Updates
Related Tags:
crisis समलिङगी मोबाईल सेलेब्रिटी हल्ला पेट्रोल awards माओवादी संविधानसभा celebrity अनुभव streets festival hi-life events
Browse Tags in Other Group
 
 
Tags in City Sightings
festival releases celebrity party events story wedding bandhs & protests bizarre traffic real picture hi-life city beauty pageant travel culture awards
Browse all Tags in Group
Tag groups: cinema, city sightings, city updates, fashion & grooming, health, misc, music, relationship, technology, television, weird & interesting, work and office,