Home» City Life »Updates

आयो तेल, गयो तेल !

तराइमा आन्दोलन स्थगित भएको एक साताभन्दा बढी समय बिते पनि काठमाडौँमा तेलको हाहाकार जारी छ । त्यसमाथि झन् आजदेखि तराइ बन्दको हल्लाले त उपभोक्ताले तेल लिन पाएको यो मौका हातबाट गुम्न दिएका छैनन् । त्यसैले हिजो रातिसम्म पेट्रोल पम्पमा पेट्रोल हाल्न चाहने गाडीधनीहरुको लामो कतार देख्न सकिन्थ्यो ।

हिजोको दृश्य अन्य दिनको भन्दा बरु सहज देखिन्थ्यो किनभने नेपाल आयल निगमले राजधानीका १४० पेट्रोल पम्पमध्ये अधिकांशमा दर्ुइ लाख ९० हजार लिटर पेट्रोल बाँडेका कारण गाडीधनी, ट्याक्सीचालक र र्सवसाधारणले राहतको अनुभव गरेका थिए । आयल निगम सूत्रका अनुसार अधिकांश पेट्रोल पम्पहरुलाई तीनदेखि ६ हजार लिटरसम्म बाँडिएकाले केही दिनसम्म राजधानीमा तेलको अभाव नहुने बताएको छ ।

तर यो राहतको क्षण केही दिनका लागि मात्र हो कि भन्ने आशंका उत्तिकै छ । किनभने नेपाल सरकारसँग मधेसी जनअधिकार फोरमले वार्ताको वातावरण मिलाउन स्थगन गरेको बन्दको म्याद आज सकिँदैछ र आजदेखि पुनः १८ गतेसम्म बन्द जारी हुने समाचारस्रोतले जानकारी गराइसकेका छन् । तर पनि आयल निगम यसमा सहमत छैन । बन्द हुँदासमेत दश बाह्र दिनका लागि आयल निगमसँग पर्याप्त तेलको मौज्दात रहेको उसको दाबी छ ।

बन्दको हल्लाका कारणले हिजो पेट्रोल पम्पमा पेट्रोल पर्याप्त मात्रामा रहे पनि अधिकांश गाडीहरु पेट्रोलका लागि तँछाडमछाड गरिरहेको अनुभव भएको थियो ।

पेट्रोल अभावका कारण उपभोक्ता यति तर्सिएका छन् कि चाहिँदोभन्दा बढी भण्डारण गर्न तीन चार वटा पेट्रोल पम्पमा धाएको पनि देख्न सकिन्थ्यो । यसरी तर्सिएका उपभोक्ताहरु तेलमा झेल गर्नसमेत तम्सिएका देखिन्थे । छिनमै पेट्रोल पम्पमा हजारौँ लिटर तेल स्वाहा भएको देख्दा यस्तो लाग्थ्यो- छिनमा तेल आउँछ, छिनमै सकिन्छ । क्या बात् ! आयो तेल- गयो तेल !!

 
Click Here To Read Previously Posted Article    Click Here To Read Next Article          
 
More on Updates
Related Tags:
crisis पेट्रोल समलिङगी मोबाईल सेलेब्रिटी हल्ला माओवादी awards संविधानसभा celebrity अनुभव streets festival hi-life events
Browse Tags in Other Group
 
 
Tags in Relationship
sex dating divorce cheating kissing marriage honeymoon friends tips gifts breakup infidelity parties know women attracting girls know men attracting guys flirting love personal valentine's day ex-love occassion fun read memories Family
Browse all Tags in Group
Tag groups: cinema, city sightings, city updates, fashion & grooming, health, misc, music, relationship, technology, television, weird & interesting, work and office,