Home» Around the World »Weird and Interesting

सङ्गीत महोत्सवमा तरकारीको डिमाण्ड


तपाइँले भन्नु होला, सङ्गीत महोत्सवमा त सङ्गीतको शान हुनुपर्ने हो, म्युजिकको मान हुनुपर्ने हो- एक्कासि कसरी तरकारीको डिमाण्डको कुरा आयो ?

लौ सुन्नुस्, यूरोपेली राष्ट्र अष्ट्रियास्थित द भियना भेजिटेबल अर्केष्ट्रा गीतार र ड्रम छाडेर लौका, टमाटर र सागतिर आकषिर्त भएका हुन् । यो कुरा चाहिँ हिजै मात्र बेलायतको योर्कशायरमा सम्पन्न हर्डसफिल्ड कन्टेम्पररी म्युजिक फेस्टिभलमा प्रष्टिएको हो ।

यो सङ्गीत महोत्सवलाई संसारभरिका सङ्गीत समीक्षकहरुले नयाँ सङ्गीतको महोत्सव मान्ने गरेका छन् । जसले नयाँ नयाँ शैली र शिल्पको सङ्गीत सिर्जना गर्न सक्यो उसैको 'हाइ हाइ' हुने हुँदा अष्ट्रियाको तरकारी ब्याण्डले चर्चा पाएको हो ।

११ जना युवा सम्मिलित यो तरकारी ब्याण्ड उर्फ भियना भेजिटेबल अर्केष्ट्राले महोत्सवमा 'ककुम्बरफोन' प्रस्तुत गरे । तरकारीकै सहयोगले तिनले हाउस म्युजिकदेखि ज्याज र क्लासिकल सङ्गीतसम्म प्रस्तुत गरेको कुरा डेली टेलिग्राफले जनाएको छ ।

हुन त यो ब्याण्डले अष्ट्रियामा छँदा जुन जुन तरकारीले सङ्गीत पस्कन्थे, कार्यक्रमको समाप्तिमा तिनै तरकारीको सुप समेत खुवाउने गर्दथे । तर यो महोत्सवमा चाहिँ यो सम्भव नदेखेर आयोजकहरुले ब्याण्डको यो इच्छामाथि तुषारापात नै गरिदिए ।

यो अर्केष्ट्राका कसरी जन्म्यो त ? भनेर स्थापकमध्ये एक निकलस गेन्स्टेररलाई सोध्नुभयो उनको जवाफ चाहिँ यो हुनेछ- "हामी एक दिन मिलेर खाना पकाउँदै थियौँ । टमाटर काट्दा एउटा मिठो साङ्गीतिक आवाज एकनासले आएको पायौँ । तत्क्षण नै हामीलाई किन तरकारी ब्याण्ड नखोल्ने भन्ने विचार सुझ्यो ।"

"त्यसपछि हामीले एकपछि अर्को तरकारी काट्न थाल्यौँ, त्यसलाई हिर्काउन र मोड्न थाल्यौँ । ती सबै प्रयोगले एउटा नयाँ सङ्गीतको जन्म गरायो र आज हामी यो महोत्सवमा उभिएका छौँ", उनले थपे ।

आफ्नो नयाँ सङ्गीतलाई संसारभर पुर्‍याउने र सुनाउने रहर उनीहरुलाई कतिसम्म छ भने वर्षो २० देखि ३० पटकसम्म त उनीहरु संसारभर घुमिरहेकै हुन्छन् ।

 
Click Here To Read Previously Posted Article    Click Here To Read Next Article          
 
More on Weird and Interesting
Related Tags:
यस्तो पनि ! माया सुन्दरी बलिउड मुद्दा मामिला गुगल मूर्ख्याइँ इन्टरनेट सेलेब्रिटी भव्यता विज्ञापन श्रीमानश्रीमती प्रविधि परिस्थिति कीर्तिमान उपाय नग्नता हलिउड फट्याइँ उदेकलाग्दो
Browse Tags in Other Group
 
 
Tags in Misc
Books Home
Browse all Tags in Group
Tag groups: cinema, city sightings, city updates, fashion & grooming, health, misc, music, relationship, technology, television, weird & interesting, work and office,