Home» Music »Feature

कुटुम्ब खोज्दै पनौती र बनेपा


वाद्ययन्त्र बजाउनमा नाम कमाइरहेको समूह कुटुम्बले राजधानी केन्द्रित सङ्गीतमा मात्र चित्त बुझाइरहेको छैन । कात्तिक १८ देखि उसले चार दिनसम्म बनेपा र पनौतीका स्थानीय बाजाका धुरन्धर गुरुहरुसँग स्थानीय धुन सिक्ने काम गरिहरेका छन् ।

"हामीले यो आवश्यकता किन देख्यौँ भने स्थानीय धुनका बारेमा स्थानीय व्यक्तिहरुलाई नै चासो लाग्न छाडिसक्यो", कुटुम्बका प्रवक्ता भूषणले भने- "यस्तो अवस्थामा नयाँ पुस्ताले पुराना धुन र सिर्जना बिर्सियौँ भने हाम्रो पुस्तापछि एउटा पूरा सांस्कृतिक धरोहरको अन्त्य हुन्छ ।"

नयाँ चेलाहरुरहित गुरुहरुसँग आफू चेला बन्न पुगेका कुटुम्बका सदस्यहरुले बनेपा र पनौती दुवै ठाउँमा राम्रो स्वागत पाएका छन् । र, यो शिक्षण क्रममा उनीहरुले विहार धुन सिक्ने अवसर पाएका छन् । विहार धुनका बारेमा महत्व बताउँदै भूषण थप्छन्- "यो धुन सिर्जना गर्ने गुरु बित्नु भएको २५ वर्ष भइसक्यो र पूरा शहरमा यो धुनका बारेमा राम्रोसँग जानकार एक व्यक्ति मात्र फेला पार्‍यौँ र उहाँबाट नै त्यो धुन हामीले सिकेका छौँ ।"

विहार धुनका एक मात्र जानकार हरि दुवालले त्यसो त धुन गुन्गुनाएर कुटुम्बलाई सुनाउनु भयो र कुटुम्बले त्यसपछि शुरुमा बाँसुरीमा टिप्यो र पछि अन्य बाजाहरु थपेर त्यस धुनलाई आकर्षक सङ्गीतमा लेपन गरेको छ । कुटुम्बको अनुभव छ- "बनेपा र पनौतीका धुनहरु काठमाडौँ उपत्यका तीन शहरका धुनभन्दा पृथक र क्लिस्ट छन् । त्यो सिक्न हामीलाई नै धौ धौ पर्‍यो ।"

कुटुम्बको स्थानीय सङ्गीतप्रतिको यो चासोले स्थानीय सङ्गीतकर्मीहरुलाई पनि यसप्रति अझ बढी गम्भीर हुन सिकाउने स्थानीय व्यक्तिहरुको भनाइ छ । कुटुम्बको यो शिक्षण यात्राले उनीहरु आफैँलाई मात्र शिक्षित गराएन, स्थानीय व्यक्तिहरुलाई आफ्नो सङ्गीत र संस्कृतिप्रति चासो बढाएको छ ।

 
Click Here To Read Previously Posted Article    Click Here To Read Next Article          
 
More on Feature
Related Tags:
क्या बात ! रिलिज समुद्रपार कीर्तिमान ट्रयाक बाहिर सङ्गीतकार लुकेका कुरा उपलब्धि तातोपीरो नेपाली तारा विचार भिडन्त गायक रुचि प्रेम र विवाह पेज थ्री गीतकार अवार्ड हल्ला बजारमा
Browse Tags in Other Group
 
 
Tags in Health
weight body-care seasonal-illness diet sleep skin stress food body-ache Psychology fatigue nutrition mental -health oral-health headache
Browse all Tags in Group
Tag groups: cinema, city sightings, city updates, fashion & grooming, health, misc, music, relationship, technology, television, weird & interesting, work and office,