Home» City Life »Updates

पत्रकार हराएको सूचना र निर्लज्ज राजनीति

पत्रकार वीरेन्द्र शाहको अपहरणपछिको स्थिति सार्वजनिक गर्न नेपाल पत्रकार महासंघले राजधानीको नयाँ बानेश्वरदेखि माइतीघर मण्डलासम्म जुलुस कार्यक्रमको आयोजन गर्‍यो । जुलुस पछि विरोध सभामा परिणत भएको थियो, जसलाई पत्रकार महासंघका सभापति विष्णु निष्ठुरी, अपहरित पत्रकार पत्नी तथा अन्यले समेत आफ्नो धारणा व्यक्त गरेका थिए ।
- एक समाचार


बारा जिल्लाका पत्रकार वीरेन्द्र शाह हराएको एक महिना बढी हुन लागेको छ । उनको अवस्थाका अज्ञात रहेको अखबारका पाना, सरकारी भनाइ र माओवादी पक्षको छ । हेर्दाहेर्दै सबैका सामूबाट पत्रकार वीरेन्द्र शाह गायब पारिए र तिनी अहिलेसम्म जीवित या मूर्दा छन् भन्नेसम्म कसैलाई थाहा छैन । सरकार मूक दर्शक छ, अपहरणमा हात रहेको भनिएको माओवादी पनि चूप छ तर पत्रकार महासंघ चूप छैन ।

महासंघले मंगलबार एक जुलुसको आयोजन गरेको छ । जसको उद्देश्य अपहरित पत्रकार शाहको स्थिति सार्वजनिक गरियोस् भन्ने नै हो ।

एक विश्वस्त सूत्रका अनुसार पत्रकार शाहको हत्या अपहरण भएको केही दिनमै भइसकेको थियो । यो कुरा उनका नजिकका नातेदारसमेतलाई थाहा भइसकेको छ । यसमा माओवादीको स्थानीय एउटा समूहको हात रहेको समेत प्रमाणित भइसकेको छ । तर अहिलेसम्म सरकार न त घटनाको वास्तविकता अगाडि ल्याउन चाहिरहेको छ, न त माओवादीहरु नै । एउटा समूह अझै पनि वीरेन्द्र जीवित छन् भनेर यो धर्ना र जुलुसमा लागिरहेको छ ।

कथित लोकतन्त्र भित्रिइसकेको नेपालमा निर्लज्ज तरिकाले अपहरित हुन्छन् मानिसहरु । तिनको हत्या हुन्छ । तर सरकार मूक दर्शक बन्छ । गणतन्त्र उन्मुख नेपालमा जिम्मेवार पार्टीका स्थानीय नेताबाट एक पत्रकार अपहरित हुन्छन्, तिनलाई यातनापूर्ण तरिकाले हत्या गरिन्छ र यसमा संलग्न कार्यकर्तालाई बचाउँदै पार्टीले आफ्नो संलग्नता नरहेको विज्ञप्ति जारी गर्छ भने नेपालमा जिम्मेवारीबोध र कर्तव्यबोध कहाँसम्म आइपुग्यो भन्ने स्पष्ट हुन्छ ।


यसले माओवादीमा रहेको हतियार उन्माद, एक दर्शनवादको एकोहोरो प्रलाप र स्वतन्त्रताविरोधी तत्वलाई स्पष्ट पारेको छ ।

केही माओवादी कार्यकर्ताको भनाइ छ- वीरेन्द्र शाह पत्रकारको मुखुण्डोमा रहेको प्रतिगामी तत्व हो । तर ती माओवादीलाई व्यक्ति हत्या गर्ने र देशको कानून हातमा लिने अधिकार कसले दियो, जबकि उनीहरुको स्थानीय सरकार शान्ति सम्झौतासँगै भङ्ग भइसकेको छ । वीरेन्द्र शाहको हत्या गर्नेहरुले एक पटक तिनको परिवारको मुख हेरुन्, वीरेन्द्र-हत्याले खोसेको मानवअधिकार मात्र होइन, परिवार-अधिकार, ममत्व-अधिकार, भविष्य-अधिकारको करुणाजनक स्थिति पनि विचार गरुन् ।


पत्रकार वीरेन्द्र शाहकी पत्नी र दुइ छोरा

 
Click Here To Read Previously Posted Article    Click Here To Read Next Article          
 
More on Updates
Related Tags:
crisis समलिङगी मोबाईल सेलेब्रिटी हल्ला माओवादी पेट्रोल awards संविधानसभा celebrity अनुभव streets festival hi-life events
Browse Tags in Other Group
 
 
Tags in Work and Office
meetings time value training skill development interview deadline work psychology sex fun and humor co-workers
Browse all Tags in Group
Tag groups: cinema, city sightings, city updates, fashion & grooming, health, misc, music, relationship, technology, television, weird & interesting, work and office,