Home» Around the World »Weird and Interesting

चुनावमा नग्नता !

पोल्याण्डमा अहिले चुनावी माहौल छ । नेपालमा संविधानसभाको चुनाव होला कि नहोला भन्ने दुविधामा परिरहेका बेला पोल्याण्डको चुनावमा चाहिँ एक जना महिलाको फोटो चुनावी प्रचार सामग्रीमा नग्न छापिएपछि विवादमा मुछिएको छ ।

पोलिस विमेन्स पार्टीका सात जना महिला उम्मेद्वारहरुले एउटा ठूलो विज्ञापन होर्डिङ बोर्डमा नग्न रुपमा फोटो खिचाएपछि तिनको विज्ञापन टाँसिएको छ र त्यो विज्ञापनले भन्छ- "द पार्टी अफ विमेन । पोल्याण्ड इज अ विमन ।"

यो पोष्टर शहरका मुख्य भागमा छाएपछि क्याथोलिक धर्मको प्रधानता रहेको यो देशमा निकै नै होहल्ला शुरु भएको छ । डेली टेलिग्राफका अनुसार लेखिका मानुएला ग्रट्कोस्काले यसमा धेरै हल्ला मच्चाउनु पर्ने त्यस्तो कुनै कुरा नभएको बताएकी छिन् । ग्रट्कोस्का त्यस पार्टीकी संस्थापिका समेत हुन् । उनले भनिन्- "पोल्याण्डमा अहिलेसम्म बनाइएका पार्टी पुरुषले पुरुषका लागि मात्र बनाएका छन् । हाम्रो उद्देश्य चाहिँ महिलाहरुले महिलाका लागि पार्टी बनाउने हो ।"

"अहिलेको होहल्ला चाहिँ सधैँ एकैनाशको काम गरिरहेका व्यक्तिहरुका लागि साँच्चिकै थप्पड हो", उनले भनिन् ।

उनले थपिन्- "हामी सुन्दर छौँ, नग्न र गर्वित पनि । हामी सत्यतामा विश्वास गर्र्छौँ र गम्भीर पनि छौँ । हामी शरीरका मात्र सुन्दर छैनौँ, आत्माका पनि । यो विज्ञापनले अश्लीतालाई पुट दिइरहेको छैन । यसलाई यौनका रुपमा देख्नु भएन । हाम्रा अनुहार र भावभङ्गिमाले सेक्स अपिल गरिरहेको छैन । बरु यी तश्वीरले हामीमा भएको विद्वता, गर्व र चासो प्रतिविम्विन गरिरहेको छ ।"

"यसमा हाम्रा ओठहरु खुला छैनन् न त आँखा मुदिएका छन् । यी चित्रले कहीँ कतै पनि यौनिकता झल्काएको छैन भने किन पुरुषहरुले यसमा हायतौबा मच्चाएका हुन् ? मलाई थाहा छैन", उनले बताइन् ।

आउँदो २१ अक्टोबरमा सम्पन्न हुन गइरहेको यस चुनावमा यो पार्टीले संसद्को अनुहार देखाउन चाहिने पाँच प्रतिशत मत पनि नपाउने कुरा विभिन्न किसिमको अध्ययनबाट देखिएको छ । तर अध्यक्ष ग्रेट्कोस्का चाहिँ आफ्नो पार्टीलाई अन्यहरुको समर्थन दिन प्रतिदिन बढिरहेको बताइरहेका छन् । खासगरी, पोल्याण्डका बहुचर्चित महिलाहरुले यसलाई चुनावमा मत दिलाउन निकै ठूलो कसरत गरिरहेका छन् ।

 
Click Here To Read Previously Posted Article    Click Here To Read Next Article          
 
More on Weird and Interesting
Related Tags:
उदेकलाग्दो नग्नता माया भव्यता सुन्दरी मूर्ख्याइँ इन्टरनेट श्रीमानश्रीमती गुगल फट्याइँ सेलेब्रिटी उपाय बलिउड परिस्थिति यस्तो पनि ! विज्ञापन हलिउड मुद्दा मामिला उदारता प्रविधि
Browse Tags in Other Group
 
 
Tags in TELEVISION
रियालिटी शो श्रृङ्खला भीडबाहिर हल्ला र वास्तविकता विदेशमा रमाइलो अभिनेता अभिनेत्री निर्माता नयाँपन भित्री कुरा
Browse all Tags in Group
Tag groups: cinema, city sightings, city updates, fashion & grooming, health, misc, music, relationship, technology, television, weird & interesting,