Home» City Life »Updates

राजधानीमा फेरि बम आतङ्क



दुइ जनाको ज्यान र २६ जना घाइते हुने गरी आइतबार भएको तीन ठाउँमा श्रृङ्खलाबद्ध बम विष्फोटपछि सरकार, राजनीतिक पार्टी र जनताको एक साथ सातो गएको छ । त्यसको प्रत्यक्ष प्रमाण सोमबार आकस्मिक मन्त्री परिषद्को बैठक डाकिनु, राजनीतिक पार्टीले घटनाको तत्काल प्रतिक्रिया व्यक्त गर्दै क्षोभ व्यक्त गर्नु त्यसको प्रमाण हुन् ।

नेपालमा जे पनि हुनसक्छ भन्ने सिद्धान्तलाई बम पड्काउनेहरुले राम्रैसँग उपयोग गरेका छन् । किनभने कुनै पनि निश्चित उद्देश्यका लागि गरिने क्रान्तिमा र्सवप्रथम आफूलाई चित्त नबुझेका कुराहरु बुँदागत रुपमा देशको वैधानिक सरकारलाई जानकारी गराइन्छ । सरकारलाई विरोधपत्र दिइसकेपछि केही समय दिइन्छ, कार्यान्वयनका लागि । त्यसपछि पनि सरकारले टेर पुच्छर नलगाएको पाइए सरकारविरुद्ध आन्दोलनको घोषणा गरिन्छ । २०५२ साल फागुन १२ गते माओवादीहरुले सशस्त्र क्रान्ति थाल्नुअघि यिनै नियमितताबाट गुज्रिएका थिए । तराईमा सशस्त्र आन्दोलन गरिरहेका तराई मुक्ति मोर्चा या मधेशी मुक्ति मोर्चाजस्ता सशस्त्र आन्दोलनकारीहरुले पनि औपचारिक रुपमा सरकारसँग युद्धको घोषणा गरेकै हुन् ।

तर नेपाल डिफेन्स आर्मी, नेपाल आर्मी, तराई आर्मीजस्ता नाम नसुनिएका र त्यसको मुख्य व्यक्ति को हो भनेर नखुलिएका स-साना समूहले सरकारसँग औपचारिक माग गर्ने, त्यो मागको बेवास्ता भए मात्र आन्दोलनहरु चर्काउने सामान्य राजनीतिक नियम पनि पालना गरेका छैनन् ।

आइतबार भएको विष्फोटमा जिम्मा लिनेहरुको राम्रै होड देखिएको छ । खबरअनुसार नेपाल डिफेन्स आर्मी, तराई आर्मी, तराई उत्थान संगत, गोरखा मुक्ति मोर्चाले विष्फोटको जिम्मेवारी लिएका छन् । तीन विष्फोट र चार दाबी ! यस्तो चाहिँ नेपालमै मात्र हुन्छ ।

तर यो विष्फोटमा सर्वसाधारणको ज्यान लिनुको कारण बारे उनीहरुले कुनै धारणा र्सार्वजनिक गरेका छैनन् ।

माओवादीको योङ कम्युनिष्ट लिगको सभा खुल्ला मञ्चमा सकिँदै गर्दा यो विष्फोट हुनुले माओवादीसँग खास दुश्मनी पनि साँध्न खोजिएको हो कि भन्ने शंका पनि जन्माएको छ । अनलाइन खबरले त यसमा सेनाको समेत संलग्नता हुनसक्ने आशंका गरिसकेको छ ।

तर यो विष्फोट कसका लागि र किन भन्ने पुष्टि हुन जरुरी छ । यदि यो माओवादीविरुद्ध हो भने पनि खुला रुपमा युद्धको घोषणा गर्नुपर्‍यो ! जस्तो कि तराईका कतिपय हतियारधारीहरुले खुलेआम नै माओवादीविरुद्ध खनिएका छन् । यदि यो अहिलेको सरकारका विरुद्धमा हो भने सरकार संलग्न स्थानहरुमा विष्फोट गराउनु पर्‍यो र तिनको कानेगुजी सफा पार्नु पर्‍यो । तर निहत्था जनतामाथि बम आक्रमण चाहिँ आततायी नै हो । यसमा कोही पनि सहमत हुन सक्तैन ।

यो विष्फोटमा परेर मर्ने विद्यार्थी अनिता केसी र महिला कमलादेवी शाही उनीहरुको आन्दोलनका विरोधी भएकाले हत्या गरिएको हो कि हतियार उन्मादका कारण मारिएका हुन् ? यसको जवाफ तिनले दिनुपर्छ ।

 
Click Here To Read Previously Posted Article    Click Here To Read Next Article          
 
More on Updates
Related Tags:
crisis माओवादी संविधानसभा awards पेट्रोल हल्ला मोबाईल अनुभव समलिङगी सेलेब्रिटी hi-life streets events celebrity festival
Browse Tags in Other Group
 
 
Tags in Technology
gadgets mobile digital camera phone software people speak laptop communication Filming
Browse all Tags in Group
Tag groups: cinema, city sightings, city updates, fashion & grooming, health, misc, music, relationship, technology, television, weird & interesting, work and office,