Home» Television »Feature

रिदममा गाँसिइन् बन्दना

बन्दना शर्मा, तपाइँले मूलतः उनलाई चिन्नु भएको चाहिँ मिस नेपालको प्रथम रनरअपका लागि हुनसक्छ । अब उनसँग नयाँ परिचय पनि जोडिने भएको छ- टेलिभिजन प्रस्तोताका रुपमा । नेपाल टेलिभिजनमा हरेक बिहीबार साँझ ७ बजे प्रसारण हुँदै आएको 'रिदम'मा डाबर नेपालले रुचि देखाएपछि उनी टेलिभिजनमा गाँसिएकी हुन् ।

डाबरले यो कार्यक्रमलाई ब्राण्डिङ गरेपछि अब कार्यक्रमको नाम 'रियल रिदम' रहन गएको छ र कार्यक्रम प्रस्तोता मिस नेपालकी प्रथम रनरअप बन्दनालाई कार्यक्रमको जिम्मा लगाइएको छ ।

"नयाँ भूमिकाबाट म ज्यादै हर्षित छु", इनशाडटकमसँग चम्किला दाँत देखाउँदै बन्दनाले भनिन्- "नेपाल टेलिभिजन हामीसँगै जन्मियो र हामीसँगै हुर्कियो । त्यसैले यो संस्थामा सानो रुपमै सही गाँसिन पाउँदा खुशी लागेको छ ।"

ललितपुर, महालक्ष्मीस्थानकी स्थायी बासिन्दा बन्दनाले होलिल्याण्ड स्कूलबाट एसएलसी तथा काठमाडौँ डनबस्कोबाट जोड दुइ अनि क्याम्पियन कलेजबाट बीबीएसम्मको अध्ययन गरेकी छिन् ।

घरायसी उत्प्रेरणाका कारण मिस नेपालमा भाग लिएकी बन्दना अहिले मिस नेपालमा भाग लिनुलाई मीठो अनुभवका रुपमा संगालेकी छिन्, भन्छिन्- "जित्नै पर्छ भन्ने मलाई लागेको थिएन, तर पनि उत्कृष्ट तीन हुन पाउँदा ज्यादै खुशी लाग्यो ।" सबैभन्दा रोचक कुरा त के छ भने मिस नेपाल शिताष्मा चन्द, बन्दना शर्मा र स्वेता शाह मिस नेपाल प्रतिस्पर्धा अवधिभर निकै मिल्ने साथी बनिसकेका थिए । उत्कृष्ट तीन जनामा आफूहरु मिल्ने साथी आइपुगेकोमा तीन जना ज्यादै खुशी भएका थिए । त्यसैले यस पटकका प्रतिस्पर्धीहरुले को मिस नेपाल हुनुपर्ने र को नपर्ने भन्ने विवादमा फस्न रुचाएनन् ।

पाँच जना दिदीबहिनीमध्ये सबैभन्दा कान्छी र एक जना दाईकी प्यारी बहिनी बन्दनालाई पहिलेदेखि नै सञ्चार माध्यममा गाँसिने इच्छा थियो । त्यसैले त उनले नेपाल एफएमका केही समय काम पनि गरिहेरिन् । तर व्यस्तताका कारण नियमितता दिन सकिनन् । यस पटक नेपाल टेलिभिजनसँगको नाता निकै लम्बिने आशा उनले राखेकी छिन् ।

 
Click Here To Read Previously Posted Article    Click Here To Read Next Article          
 
More on Feature
Related Tags:
रियालिटी शो हल्ला र वास्तविकता भीडबाहिर अभिनेत्री निर्माता अभिनेता श्रृङ्खला नयाँपन रमाइलो विदेशमा भित्री कुरा
Browse Tags in Other Group
 
 
Tags in Relationship
sex dating divorce cheating kissing marriage honeymoon friends tips gifts breakup infidelity parties know women attracting girls know men attracting guys flirting love personal valentine's day ex-love occassion fun read memories Family
Browse all Tags in Group
Tag groups: cinema, city sightings, city updates, fashion & grooming, health, misc, music, relationship, technology, television, weird & interesting, work and office,