Home» Music »Feature

गए रामप्रसाद, आए रेग्मी

नेपाल प्रतिलिपि अधिकारका लागि स्थापनाकालदेखि नै सर्जकहरुको हकहितका लड्ने योद्धा कहलिएका रामप्रसाद भट्टराई नेपाल प्रतिलिपि अधिकार रजिष्ट्रारको कार्यालयबाट सरुवा भएका छन् ।

उनको ठाउँमा अहिले जन्मजय रेग्मी प्रतिलिपि अधिकारको रजिष्ट्रार नियुक्त भएका छन् । रेग्मी यसअघि संस्कृति तथा पर्यटन मन्त्रालयमा पर्यटन प्रवर्द्धन महाशाखामा कार्यरत थिए ।

रामप्रसाद भट्टराई चाहिँ सामान्य प्रशासन मन्त्रालय योजना महाशाखामा पुर्‍याइएका छन् ।

भट्टराई प्रतिलिपि अधिकार रजिष्ट्रारको कार्यालय स्थापना भएयता नेपाली प्रतिलिपि अधिकार संरक्षण, सम्वर्द्धनका लागि लागिपरेका व्यक्तित्वका रुपमा चिनिएका थिए । उनकै कार्यकालमा गीतकार रत्नशमशेर थापाको अध्यक्षतामा सङ्गीत रोयल्टी सङ्कलन समाजको गठन भएको थियो ।

पाँच वर्षको उनको कार्यकालमा उनलाई सबैभन्दा अचम्म लागेको चाहिँ यहाँका सर्जकहरुको अनौठो मौनता नै हो । तीन वर्षभन्दा बढी अध्ययन भइसकेको रोयल्टी सङ्कलन समाजको स्थापनाका लागि गायक, गायिका, सङ्गीतकार, गीतकार तथा यससम्बद्ध अन्य सर्जकहरुले रोयल्टी सङ्कलन समाज गठनका लागि चासो नदेखाएको भनी उनी असन्तुष्ट देखिएका थिए ।

यता नयाँ रजिष्ट्रार रेग्मीको प्रवेशपछि भदौदेखि नयाँ किसिमका प्रतिलिपिअधिकारसँग सम्बद्ध कार्यक्रमहरुको थालनी गरिने कार्यालयले जनाएको छ ।

क्षेत्रीयस्तरका गोष्ठीको आयोजन, स्कूल तथा कलेजस्तरीय विभिन्न कार्यक्रमहरुको आयोजनतर्फ कार्यालयले योजना बुनिरहेको बताइएको छ । अब हेर्नुछ, दिनदिनै अधिकार उल्लङ्घन भइरहेको अवस्थामा नयाँ रजिष्ट्रारले आफ्नो उपस्थितिलाई कति दह्रो रुपमा स्थापना गराउने हुन् !

पूर्व रजिष्ट्रार रामप्रसाद भट्टराई (माथिको तश्बीरमा पनि उनै)

 
Click Here To Read Previously Posted Article    Click Here To Read Next Article          
 
More on Feature
Related Tags:
ट्रयाक बाहिर अवार्ड रिलिज समुद्रपार कीर्तिमान तातोपीरो सङ्गीतकार लुकेका कुरा गायिका गीतकार रुचि क्या बात ! नेपाली तारा बजारमा हल्ला प्रेम र विवाह पेज थ्री कन्सर्ट भिडन्त उपलब्धि
Browse Tags in Other Group
 
 
Tags in Work and Office
meetings time value training skill development interview deadline work psychology sex fun and humor co-workers
Browse all Tags in Group
Tag groups: cinema, city sightings, city updates, fashion & grooming, health, misc, music, relationship, technology, television, weird & interesting, work and office,