Home» Cinema »Feature

आवाजबाट निर्माता खुशी


माओवादी आन्दोलनलाई पर्दामा देखाउने होड चलिरहेको बेला पहिलो पटक माओवादी इतिहास समेटिएको भनिएको 'आवाज' चलचित्र शुक्रबारदेखि राजधानीमा प्रदर्शन शुरु भएको छ ।

चलचित्रका निर्माता तथा कलाकार नवल खड्काले शुक्रबार पत्रकार र कलाकारका बीच बसेर आवाज चलचित्र हेरे ।

आवाज  एउटा कथानक चलचित्रभन्दा बढी वृत्तचित्रजस्तो भएको प्रतिक्रिया केही दर्शकको थियो भने केहीले भने कथानक बिनाको चलचित्र । तर पनि साउने झरीमा यसको व्यापारबाट निर्माता खड्का मख्ख छन् ।

नवल खड्काको निर्माण तथा बद्री अधिकारीको निर्देशन रहेको यस चलचित्रमा माओवादी केही छापामारले पनि अभिनय गरेका छन् ।

उपत्यका बाहिर उति राम्रो व्यापार गर्न नसकेको यो चलचित्र राजधानीभित्र चाहिँ अनपेक्षित व्यापार गर्न सफल भएको खड्काको दाबी छ । निर्माताका अनुसार सिनेमा हलभित्र भन्दा बाहिर तीन दोब्बर मान्छेहरु साउने झरीमा भिजेर टिकटका लागि लाइन लागिरहेका थिए । "यस्तो दृश्य निकै कम देखिन्छ", उनको भनाई थियो ।

दुइ दिनको व्यापार नै राजधानीका विभिन्न हलबाट आठ लाखभन्दा बढी भएकाले यसले पछिल्लो समयका हिट सिनेमाहरु युद्ध  पालेदाइलाई उछिन्ने दाबी निर्माता खड्काको छ ।

"लौरी टेकेर बूढाबुढी सिनेमा हेर्न आएका छन्", उत्साहित नवलले इनशाडटकमसँग भने- "माओवादी मन्त्रीहरु मातृका यादव, केही विधायकहरु र प्रचण्डका पिता र प्रचण्डका छोरा समेतले सिनेमा हेरेर मलाई धन्यवाद दिइसकेका छन् । त्यति मात्र होइन, सिनेमाको व्यापार पनि उकालो लागिसकेको छ ।"

त्यसो त उपत्यकाबाहिर फ्लप भइसक्यो भनेर हल्ला गर्नेहरुका लागि उनीसँग राम्रै जवाफ छ । उनले भने- "यो कुरा सत्य हो कि पोखरामा यो सिनेमाको व्यापार हामीले चाहेजस्तो भएको होइन । तर अन्य ठाउँमा त्यसबेला रिलिज भएका अन्य चलचित्रभन्दा राम्रो व्यापार गरेको थियो ।"

उनलाई खुशी त केमा लागिरहेको छ भने १५ वर्षदेखि हलमा नगएका व्यक्तिहरु गएर उनको सिनेमा हेरेका छन् । यसबाट उनी अन्य सिनेमाको भन्दा दुइ चार लाख बढी नै शेयर आउने कुरामा विश्वस्त छन् ।

 
Click Here To Read Previously Posted Article    Click Here To Read Next Article          
 
More on Feature
Related Tags:
रिलिज सेलेब्रिटी अभिनेता समारोह सेक्स प्रविधि सुटिङ अभिनेत्री हल्ला पेज थ्री
Browse Tags in Other Group
 
 
Tags in Technology
gadgets mobile digital camera phone software people speak laptop communication Filming
Browse all Tags in Group
Tag groups: cinema, city sightings, city updates, fashion & grooming, health, misc, music, relationship, technology, television, weird & interesting, work and office,