Home» Around the World »Weird and Interesting

नाङ्गै जिम गर्नुस्

कपडालाई बोझ ठान्ने केटीहरुका बारेमा त तपाइँले सुन्नु भएकै होला ! कपडालाई बोझ ठानेर तिनले तल या माथि लगाउने लुगामा कटौती गरेर कमभन्दा कम लुगामा कसरी आकर्षक देखिने भन्ने फेशनको होडबाजी त तपाइँ हामीले देखेकै हो । तर कपडालाई बोझ ठान्नेहरुका लागि केन्द्रित गरेर एउटा जिम खोलिएको छ ।

कपडारहित यो जिम पूर्वी नेदरल्याण्डमा गएको मार्च ४, २००७ देखि शुरुवात गरिएको हो ।

आउनुहोस्, यो जिम खुलेको दिन त्यहाँ के कस्तो घटना घट्यो, त्यसको जानकारी लिऊँ ।

डच जिमले शहरका एक दर्जन अधवैंसे र वृद्ध पुरुषहरुलाई नग्न शारीरिक अभ्यास गर्ने निम्तो पठायो । तर कस्तो भयो भने त्यहाँ नग्न शारीरिक अभ्यास गर्ने पुरुषहरुभन्दा रमिते पत्रकारहरुको संख्या बढि भइदियो ।

फिटवर्ल्ड नामक सो जिमका सञ्चालक प्याटि्रक डी म्यानले पत्रकारहरुलाई नग्न शारीरिक अभ्यासको पहिलो सेसन 'नग्न आइतबार' प्रवेश दिएका थिए । नग्न शारीरिक अभ्यासप्रति लोग्नेमान्छेको यस्तो चासो रहृयो कि त्यहाँ रुस र अष्ट्रेलियाबाट समेत आइपुगे ।

तर नग्नता नै जीवन हो भन्ने विश्वास गर्नेहरुले चाहिँ ठीकैको प्रतिक्रिया दिएका थिए ।

हेटेरन, आर्मस्टडमबाट ६० माइल पूर्वी यो सानो शहरमा सानो संख्यामा नग्न जिममा चासो देखाउन आएका थिए । तिनीहरु आउनुभन्दा अघि नै एउटा सानो जिम कोठा फोटो, टीभी र अन्य पत्रकारहरुको समेत खचाखच भरिएको देखेर चकित परे ।

आएका मध्ये हेनेक नाम बताउनेले एपी समाचारलाई भने- "हामीले नाङ्गै पौडी त खेलेको हो... तर नाङ्गै जिममा अभ्यास गर्नु चैँ साँच्चिकै नौलो अनुभूति हो ।" कपाल सेतै फुलेका हेनेकले आफूले चलाइरहेको पेडल दबाउँदै भने- "यो हेर्न लायकको चिज पनि हो । त्यसैले त तपाइँहरु थुप्रिनु भएको छ !"

त्यसो त स्थानीय राजनीतिक नेता र नग्न पर्यटन व्यवसायीहरु योबारे बेखबर चाहिँ छैनन् । त्यहाँ एरोबिक्स सिकाउने कुनै पनि नग्न शिक्षक वा शिक्षिका नियुक्त छैनन् । बरु त्यहाँका कर्मचारीहरुले आफ्नो शरीरमा नग्न चित्र कोरेका छन्, जसलाई न्यूड बडी पेन्टिङ भनिन्छ । त्यसो त न्यूड बडी पेन्टिङमा पनि उनीहरुले एप्रोन लगाउने गरेका छन् ।

डे म्यानले सोचे- यो आइडिया निकै बिक्न सक्छ, यो अरुका लागि रुचिकर विषय पनि हुनसक्छ कि शरीरको व्यायाम नग्न रुपमै किन नगर्ने ! त्यसो त यो सोच उनलाई त्यतिबेला पलायो, जब केहीले पुरुष र महिलाका लागि किन बेग्लाबेग्लै ड्रेसिङ कोठा बनाएको भनी प्रश्न गरे । उनीहरु पुरुष र महिलाको एउटै ड्रेसिङ रुम चाहन्छन् भने नग्न रुपमै किन शारीरिक व्यायाम चाहँदैनन् होला !

त्यसो त डच फेडरेशन अफ नेचरिस्टले यो सोचलाई यति रुचायो कि आफ्नो संघ मातहतका ७० हजार सदस्यलाई नग्न रुपमा बजार हजार डुल्नुभन्दा नग्न रुपमा जिम गर्नु नै उपयुक्त हुनेछ ।

त्यसो त डी म्यानको 'नेकेड सन्डे' अभियानमा कुनै पनि महिला देखा परेनन् । त्यसो त त्यो दिनका लागि एक सय जनाले आफूलाई दर्ता गराएकामध्ये आठ जना महिलाहरु पनि थिए ।

"शुरुमा त महिला लजाइ हाल्छन् नि !" हेनेकले महिलाहरु नआएकोमा आश्चर्य मानेनन्, थपे- "तपाइँ आफैँ हेर्नुस्न, न्यूडिस्टहरुको क्याम्पमा पनि साह्रै कम महिलाहरु देखिन्छन् । झन् यो त जिमको कुरा भयो ।"

त्यसो त नेदरल्याण्ड यसको खुला यौनिक आचार व्यवहारका कारण विश्वचर्चित नै छ । महिलाहरु समुद्र किनारमा 'टपलेस' नै घुम्छन् । टेलिभिजनमा समेत नग्नता र्सवस्वीकार्य भइसकेको छ । निश्चित ठाउँमा वेश्यावृत्तिले समेत कानूनी मान्यता पाएका छन् ।

तर पनि शहरका ५ हजार १ सय जनता निकै दुःखी छन् यो नेकेड सन्डे अभियानबाट । तिनले यसको विरोधमा हस्ताक्षर अभियानसमेत शुरु गरेका छन् ।

"यस्तो घटिया सोच लिएर पनि तिमीहरु आउँदा रहेछौ भनेर मलाई आश्चर्य लाग्यो," क्लबको वेबसाइटमा एक पाठक लेख्छन्- "यस्तो गर्न मन छ भने घरमै गरे भै गो नि, किन सार्वजनिक ठाउँमा रमिता गर्नु पर्‍यो र !"

यता सरकारको समेत सहयोग रहेको यो क्लबका बारेमा स्थानीय सरकारले भनेको छ- "आखिर नग्नवादीहरुको पनि त नग्न हुने अधिकार छ नि ! तिनको अधिकार पनि त हामीले विचार गर्नै पर्‍यो !" "केही व्यक्तिहरु यो देखेर ज्यादै खुशी भएका छन्", क्लबको उद्घाटन गरेका स्थानीय सरकारका काउन्सिलर प्रिmत्स वित्जेसले भने ।

नग्न जिमवालाहरु त्यसो त दुइ तीन नियम भने कडा रुपमै अपनाउनु पर्छ । जस्तो किः तिनले वेट मेसिनमा रहँदा तौलिया आफूमाथि ओछ्याउनै पर्छ, तिनले पुनः प्रयोग गर्न नमिल्ने डिस्पोज गर्ने सिट कभरहरु प्रयोग गर्नुपर्छ र साइकल चलाउँदा कतिपय सरुवा रोग नसर्ने साधनहरुको उपयोग गर्नुपर्छ ।

"यहाँ तपाइँले आफूलाई पूर्णत: स्वतन्त्र महसूस गर्नुहुन्छ", एक घण्टाभन्दा टाढा घरबाट ड्राइभ गरेर आएका रोन भ्यान डेर पुटेनले भने- "एउटा नग्नवादीलाई यो जस्तो कपडा खोलेर गर्न पाइने अवसर कहाँ पो जुर्ला र !"

 
Click Here To Read Previously Posted Article    Click Here To Read Next Article          
 
More on Weird and Interesting
Browse Tags in Other Group
 
 
Tags in MUSIC
विवाद गायिका गायक कन्सर्ट हल्ला ट्रयाक बाहिर उपलब्धि लुकेका कुरा रिलिज परिस्थिति अवार्ड कीर्तिमान बजारमा क्या बात ! रुचि पेज थ्री प्रेम र विवाह समुद्रपार विचार नेपाली तारा गीतकार सङ्गीतकार तातोपीरो भिडन्त
Browse all Tags in Group
Tag groups: cinema, city sightings, city updates, fashion & grooming, health, misc, music, relationship, technology, television, weird & interesting, work and office,